Idara ya Maji ipo kwa mujibu wa muundo wa Utumishi ikiwa na jukumu kubwa la kutoa huduma ya maji kwa wakazi wa Wilaya ya Kalambo. Pamoja na jukumu la kutoa huduma ya maji Idara inahusika na kupanga na kusanifu miradi ya maji, kupitia usanifu wa miradi ya maji unaofanywa na wataalam wa nje, kusimamia ujenzi na uendeshaji wa miradi ya maji pamoja na kukarabati miradi ya maji yenye hitilafu. Idara pia inahusika na kuunda na kusimamia vyombo vya watumiaji maji
Malengo/Majukumu ya Idara ya Maji
1. Kuandaa bajeti ya kutekeleza miradi ya maji na kusimamia utekelezaji wa miradi hiyo
2. Kutoa huduma ya maji safi na salama kwa wakazi wa Wilaya wasiopata huduma ya maji.
3. Kupunguza na kuzuia milipuko ya magonjwa yanayosababishwa na ukosefu wa maji safi na salama
4. Kusimamia vyema miradi inayofanya kazi kwa kusisitiza vyombo vya kusimamia
Wilaya ina visima vifupi 14 vinavyofanyakazi na 25 visivyofanyakazi, visima virefu 68 vinavyofanyakazi na 63 visivyofanya kazi, miradi ya bomba ya mtiririko 8 inayofanya kazi na 4 isiyofanyakazi, miradi miwili ya maji ya kusukuma kwa mashine chemichemi zilizohifadhiwa 10 na miundombinu ya kuvuna maji ya mvua katika taasisi mbalimbali. Aidha miradi yote tajwa hapo juu ina jumla ya vituo 463 ambapo vituo 316 vinafanyakazi vinakadiria kuhudumia wananchi wapatao 96,200.
Wilaya ya Kalambo inatekeleza Programu ya Maendeleo ya Sekta ya Maji kwa mpango wa vijiji 10 na vijiji vya nyongeza yaani vya Quickwins.
Miradi iliyotekelezwa kupitia Miradi ya maendeleo ya maji ni.
Mradi wa maji wa Mserereko wa Matai. Mradi huu umekamilika japo vituo vinne havitoi maji.
Mradi wa maji ya kisima wa kijiji cha Mwimbi; mradi huu upo hatua za ukamilishaji, marekebisho katika tenki la maji yanafanyika
Mradi wa maji ya mserereko wa kijiji cha Kisumba; mradi huu umekamilika na unatoa huduma.
Mradi wa maji Kasanga; Mradi huu umekamilika na unatoa huduma. Changamoto ni maji kutofika kwa baadhi ya siku katika vituo 2 katika kitongoji cha songambele
Mradi wa maji wa Kamawe; mradi huu umekamilika na wananchi wanapata huduma ya maji
Mradi wa maji wa Mwazye. Mradi huu umekamilika kwa ujenzi wa tenki, Miundombinu ya kutawanyia maji na vituo vya kuchotea maji. Mradi huu upo katika hatua ya kubadilisha usanifu kutoka katika ukarabati wa chanzo kilichopo kwenda chanzo kipya kutokana na chanzo hicho kuchafuliwa na mifugo pamoja na binadamu kutengeneza njia ya kwenda katika vijiji vya pembezoni
