Elimu Msingi

Idara hii inahusika na kusimamia utoaji wa elimu ya msingi ambayo hutolewa kwa watoto wote wenye umri wa miaka saba mpaka miaka kumi na nne (14). Ni elimu ya lazima kwa kila mtoto. Ni elimu inayomjengea msingi mtoto ili kuendelea na elimu ya sekondari na mifumo mingine ya elimu.

Majukumu mengine yanayotekelezwa na Idara ya Elimu Msingi ni:-

1. Kusimamia na kutekeleza sera na taratibu za elimu kwa mujibu wa Katiba ya Jamhuri ya Muungano wa Tanzania.
2. Kuimarisha na kupanua upeo wa msingi wa fikra, maarifa , ujuzi na msingi kupitia taaluma itolewayo.
3. Kuwaandaa wanafunzi kwa ajili ya elimu ya Sekondari na ufundi stadi.
4. Kujenga tabia ya uwezo wa kujisomea, kujiamini na kujiendeleza kwenye maeneo mapya ya taaluma, maarifa na stadi za kazi.
5. Kuritisha maarifa na ujuzi kutoka kizazi kimoja kwenda kizazi kingine
6. Kumwezesha mtoto kujitambua na kuitambua jamii.
7. Kuandikisha watoto wa darasa la kwanza wenye umri wa miaka ya kwenda shule.
8. Kuelimisha jamii kushiriki katika mambo mbali mbali ya shule kupitia vikao vya mitaa ambavyo wananchi watahudhuria na kutoa maoni.
9. Kuandaa bajeti ya idara na vitengo vyake ikiwa ni pamoja na mpango kazi unaoendana na bajeti hiyo.
10. Kusimamia na kuendeleza taaluma katika Halmashauri ya Wilaya ya Kalambo kwa kusimamia ufundishaji, ujifunzaji mahudhurio ya walimu,wanafunzi na utendaji kazi kwa ujumla.
11. Kuandaa takwimu mbalimbali za kielimu za wanafunzi, walimu, samani na miundombinu.
12. Kuratibu mashindano ya taaluma na michezo kwa shule za msingi.
13. Kusimamia haki na maslahi ya walimu kwa kufuata taratibu kama vile ruhusa, likizo masomo, matibabu n.k.
14. Kuhudumia jamii kuhusiana na mambo yote ya kielimu na mafunzo mbalimbali kupitia kamati za shule na shughuli nyinginezo kama vile uhamisho wa wanafunzi.
15. Kuandaa na kuendesha vikao mbalimbali vya wadau wa elimu katika ngazi zote za Halmashauri.
16. Kuandaa Tange ya walimu wa shule za msingi kwa kila mwaka.