Ahukumiwa Miaka 30 Jela Kwa Ubakaji.

Posted on: July 20th, 2020

Mkazi mmoja wa kijiji cha mwazye wilayani kalambo mkoani Rukwa Crisant Longwani mwenye umri wa miaka 32 amehukumiwa kutumikia kifungo cha miaka thelathini (30) jela na mahakama ya wilaya ya Kalambo kwa kosa la kujaribu kumbaka mtoto mwenye umri wa miaka 11 mwanafunzi wa darasa la nne.

Akisoma shitaka hilo mbele ya mahakama hiyo mwendesha mashitaka wa jeshi la polisi wilayani humo Rajabu Ndunda, amesema mshitakiwa alitenda kosa hilo 30 march 2020, ambapo alimvamia mtoto huyo nyumbani kwao majira ya usiku na kumchania nguo zake zote kwa lengo la kutaka kumbaka.

Aidha mwendesha mashitaka huyo amesema baada ya kelele za kuomba masaada kusika maeneo hayo watu walikusanyika na kumkuta kijana huyo akiwa katika jaribio la kutaka kumbaka mtoto huyo.

Hata hivyo mahakama iliweza kusikiliza ushahidi wa pande zote mbili na kujiridhisha, ambapo mshitakiwa aliweza kukiri kutenda kosa hilo na kuiomba mahakama kumpunguzia adhabu kutokana na kosa hilo kuwa la kwanza na pia ni tegemezi kwa famillia.

  Awali akisoma hukumu hiyo hakimu mkazi wa mahakama hiyo Nickson Temu, amesema mshitakiwa alitenda kosa  hilo kinyume na  kifungu 132 (1) cha sheria kanuni ya adhabu kwa kufanya jaribio la kutaka kumbaka mtoto mwenye umri wa miaka11 mwanafunzi wa darasa la nne na kusema  hivyo anahukumiwa kutumikia kifungo cha miaka 30 jela.