Auwawa Na Mwanae Kisa Maji Ya Kisimani.

Posted on: November 1st, 2023

Mtu mmoja mkazi wa kijiji cha Kalepula kata ya Ulumi wilaya ya Kalambo mkoani Rukwa Januari Msindo miaka 83 ameuwawa kwa kukatwa na shoka shingoni na mtoto wake Paskali Ngamila miaka 21 kutokana na mzozo wa maji.

Wakazi wa kijiji hicho wamesema chanzo ni baada ya baba huyo kuyatumia maji yaliyochotwa na kijana bila kuwasiliana na mwanae ambaye baada ya kupandwa na hasira alichukua shoka na kumkata baba yake sehemu za shingoni na kusababisha kifo chake papo hapo.

Kamanda wa jeshi la polisi mkoani Rukwa ACP shadrack Masija ambae licha ya kukili kutokea tukio hilo ,amesema mtuhumiwa amekamatwa na atafikishwa mahakamni mara baada ya uchunguzi kukamilika na kuwataka wananchi kuacha tabia ya kujichukulia sheria mkononi.