baraza la madiwani halmshauri ya kalambo lapitisha bajeti ya Tsh bilion 34

Posted on: February 19th, 2024

Baraza la madiwani katika halmashauri ya Kalambo Mkoani Rukwa limepitisha mapendekezo ya mpango wa bajeti ya shilingi 34,060,221,000.00 huku shilingi 2,412,405,000.00 zikitarajiwa kutoka kwenye mapato ya ndani na shilingi 10,839,724,000 ikiwa ni kwa ajili ya  ujenzi na ukamilishaji wa miradi ya maendeleo.

Wakiongea wakati wa upitishaji wa mpango wa bajeti hiyo madiwani katika halmshauri hiyo wamemtaka mkurugenzi mtendaji wa halmashauri hiyo kuboresha vyanzo vya mapato pamoja na kuongeza kasi ya ukusanyaji mapato ya ndani ili kufikia maelengo ya serikali katika ukamilishaji miradi ya maendeleo ikiwemo maboma  ambayo yalianzishwa kwa nguvu za wananchi.

Awali akiongea kupitia kwenye baraza hilo mkurugenzi mtendaji wa halmshauri hiyo Shafi Mpenda amesema bajeti hiyo imezingatia ukamilishaji wa miradi ilioanzishwa kwa nguvu za wananachi pamoja na uboreshaji wa vyanzo vya mapato ikiwemo minada ya mifugo na kuwataka madiwani kushirikina kwa karibu na timu za mapato ili kufikia malengo ya serikali katika kuwahudumia wananachi.