Baraza La Madiwani Kalambo Lapitisha Mapendekezo Ya bajeti Billion 32.148

Posted on: February 7th, 2023

Baraza la madiwani wilayani Kalambo mkoani Rukwa limepitisha mapendekezo  ya  bajeti ya shilingi  Billion 32.148 kwa mwaka wa fedha 2023/2024 kati ya hizo billion 17 ,697,59,000.00 ikiwa ni misharahara na  shilingi billion 11,435,843,000.00 ikiwa ni kwa  ajili ya utekelezaji wa miradi  mbalimbali ya maendeleo

Mapema akiwasilisha mapendekezo ya bajeti hiyo kwa niaba ya mkurugenzi mtendaji wa Halmashauri hiyo afisa mipango na uratibu  Erasto  Mwasanja , alisema kati ya fedha hizo  shilling 87,222.00  sawa na asilimia 2.60 ya bajeti nzima ni kwa ajili ya matumizi mengineyo na kwamba kwa mwaka wa fedha 2023/ 2024 Halmashauri imekadiria kukusanya fedha billion 2,180,150,000.00.kutoka kwenye vyanzo vyake mbalimbali vya mapato.

Alisema miongoni mwa vyanzo ambavyo vitakusanywa ni pamoja na ushuru wa mazao ,ushuru wa huduma mbalimbali , ada za Lesen za biashara, ushuru wa mazao ya mifugo,adhabu mbalimbali , ushuru wa samaki na vyombo vya uvuvi ,Raslimali za Aridhi,mazao ya misitu , ujenzi, manunuzi,sheria na Tehama

Mapema akiongea kupitia kikao hicho mkuu wa wilaya ya Kalambo Lazaro Komba , aliwataka watumishi kubuni vyanzo vipya vya mapato ambayo vitasaidia katika  kuibua miradi mbalimbali ya maendeleo ikiwemo vituo vya Afya na zahanati