Baraza La Madiwani La Azimia Kuwatimua Watendaji Wabadhilifu

Posted on: May 6th, 2020

BARAZA la madiwani wilayani Kalambo mkoani Rukwa limeazimia kuwafukuza kazi ikiwa ni pamoja na kuwafikisha Takukuru watendaji wote wa serikali za vijiji waliohusika kuiba fedha za makusanyo ya mapato ya ndani kiasi cha shilingi milioni120.5 na kuzitumia katika matumizi yao binafsi huku baraza hilo likitoa siku 30 fedha hizo kurejeshwa.

Kwa kipindi kuanzia Julay hadi aprily 2020 Halmashauri ya Kalambo imefanikiwa kukusanya kiasi cha shilingi billion 1.14 sawa na asilimia 61.87, lakini changamoto kubwa kwa hivi sasa ikitajwa kuwa ni baadhi ya shughuli za maendeleo kukwama kutokana na watendaji kula fedha za makusanyo kiasi cha shilingi million 120.5.

Diwani kata ya Mkoe Alfred Mpandashalo, alisema mpaka sasa watendaji hao wamekuwa wakijikopesha fedha kinyume na utaratibu na kujikuta wakidaiwa  madeni makubwa ambayo hata kuyalipa  inakuwa kazi kubwa kwao.

Alisema ili kuweka fundisho ni muhimu watendaji wote wakachukuliwa hatua ikiwa ni pamoja na kufikishwa mahakamani.

 Diwani wa kata ya Kisumba Inosent Lungwa, alisema kila diwani  anawajibu wa  kuwabana watendaji kupitia maeneo yao husika kabla ya kula fedha na kusema hali hiyo imekuwa ikijitokeza kutokana na kutokuwepo kwa mkakati wa kuwabana watumishi hao.

Mwenyekiti wa Halmashauri ya Kalambo Daud Schone , alisema kupitia kikao cha mipango na fedha walikukubalina kuwafukuza kazi watendaji wote ambao watashindwa kurejesha fedha hizo.

Alisema mpaka sasa baadhi yao wamepelekwa Takukuru ili kujibu tuhuma zinazo wakabili na wamewekewa muda maalumu wa kuzilipa fedha hizo.

“nguvu yetu tulio nayo kwa hivi sasa ni kuwafukuza tu ,kwani watendaji hao sasa wamekuwa ni sugu. pia katika kikao chetu cha tuilikubalina  kuwafukuza watendaji wote ambao  watashindwa kulifa fedga  hizo. Alisema Sichone.

Mkuu wa mkoa wa Rukwa Joachim Wangabo, alimwagiza mkurugenzi  kuhakikisha anaimarisha usimamizi wa ufuatiliaji wa miradi ya maendeleo na kusisitiza ukaguzi  wa ndani kutumika kikamilifu kufanya ukaguzi wa mara kwa mara katika miradi  yote .

Alisema Halmashauri inatakiwa kuhakikisha kuwa makusanyo yote ambayo  hayakupelekwa benk yanapelekwa na pia kuzingatia agizo la 50 (5) la memoranda  ya  fedha za serikali za mitaa ya mwaka 2009 linaloeleza makusanyo yote ya  mapato kupelekwa benk kabla ya kutumika.

“Halmashauri yenye uwezo mzuri  wa ukusanyaji  mapato ndiyo inaweza kutekeleza kikamilifu wajibu wake wa utoaji huduma na utekelezaji wa miradi ikiwa ni pamoja na kuongoza usitawi wa maisha ya wananchi” alisema wangabo.

 Hata  hivyo ikumbukwe kuwa  katika  mwaka  wa fedha wa 2018 / 2019 watendaji wapatao 14 walifukuzwa kazi na baraza hilo kutokana na tuhuma mbalimbali ikiwemo za wizi wa fedha za mapato