Das Kalambo Akabidhi Pikipiki 7 Kwa Watendaji Wa Kata

Posted on: February 21st, 2023

Katibu tawala wilayani Kalambo Mkoani Rukwa Frank Sichalwe amekabidhi pikipiki 7 kwa watendaji wa kata ambazo zitasaidia  katika shughuli za ukusanyaji wa mapato pamoja na kuwafikia wanafunzi ambao wameshindwa kuripoti shule tangu kuanza kwa msimu wa mhula mpya wa masomo Januari 9/2023

Aidha kupitia hafla hiyo Sichalwe aliwataka watendaji  kuzitumia pikipiki hizo kulingana na malengo ya serikali ikiwemo kuwafikia wananchi na kutatua kero zao kwa wakati

Mapema akiongea kupitia hafla hiyo mhazini wa wilaya hiyo Patrick Msafi amesena licha ya hilo halmashauri ina mpango wa kuongeza pikipiki zingine 16 ambazo zitasaidia katika kuongeza kasi ya ukusanyaji mapato vijijini na kusema hadi sasa halmashauri imefikia asilimia 56 ya ukusanyaji mapato

Mwenyekiti wa watendaji wa kata wilayani humo John Benson ambaye pia ni mtendaji wa kata ya Katete aliipongeza serikali kwa kuwapatia msaada huo na kusema pikipiki hizo zinaenda kuwasaidia katika kupunguza gharama za usafiri