Dc Binyura Apiga Malfuku Wavuvi Kupeleka Samaki Nchi Za Jirani.

Posted on: May 15th, 2020

Mkuu wa wilaya ya Kalambo mkoani Rukwa Julieth Binyura amepiga marufuku wavuvi wa mwambao wa ziwa Tanganyika kuuza samaki zao katika nchi za jirani na kuelekeza samaki zote kupelekwa katika masoko madogo wakati wakisubiri kusogea mbali kwaa maji ya ziwa Tanganyika baada ya kulizingira soko kuu la samaki lililoko katika mji wa Kasanga.

Hatua hiyo inakuja baada ya kujitokeza malalamiko kutoka kwa wavuvi juu kukosa  sehemu ya kuuzia samaki zao baada ya soko kuu la samaki Kasanga kuzingirwa na maji ya ziwa Tanganyika na kupelekea kufungwa kwa soko hilo kwa muda usiojulikana.

 Ameyasema hayo baada ya kufanya ziara  kwenye  vijiji vyote vya  mwambao   kukagua miundo mbinu,uvuvi haramu na kuhamasisha shughuli za maendeleo.

,,Acheni kuuzia samaki  Zambia. Naomba mzihifadhi zikauke kwani baada ya muda mfupi maji yaliyozingira soko letu la Kasanga yatasogea mbali na kuliacha soko likiwa huru tayari kwa biashara  kufunguliwa.

‘’Wavuvi wote tumieni nyavu zilizo ruhusiwa kwani hatutaki   mfirisiwe  kwa kuwa baada ya kuwakamata tutawapeleka mahakamani na kutaifisha vyombo vyote vya uvuvi.”Amesisitiza Binyura.

Mapema mwaka juzi, Mkuu wa Wilaya hiyo aliongoza zoezi la uchomaji nyavu haramu na kuwaonya wavuvi kuacha kabisa tabia hiyo kwani inaathiri uzao wa samaki na ni uvunjaji wa sheria zinazo simamia masuala ya uvuvi nchini Tanzania na duniani kote.