DC Kalambo Ataka Wananchi Kujenga Nyumba Bora Na Kupanda Miti Maeneo Ya Makazi Kuepuka Madhara Ya Upepo.

Posted on: October 17th, 2023

Mkuu wa wilaya ya Kalambo mkoani Rukwa Lazaro Komba amewataka wananchi wilayani humo kujenga mazoea ya kupata ushauri kutoka kwa wataalamu wa ujenzi kabla ya kuanza shughuli za ujenzi ili kuepuka madhara ya nyumba kubomoka na kuezuliwa na upepo.

Hatua hiyo inakuja baada ya baadhi ya maeneo hivi karibuni wilayani humo, mvua kuezua na kubomoa nyumba za wananchi na kuwasababishia hasara. Ambapo amewataka kujenga mazoea ya kujenga nyumba imara na kwa saruji na kupanda miti ya kutosha kwenye maeneo ya makazi ili kuepuka madhara ya nyumba kuezuliwa kila mwaka.