Dc Kalambo Awaweka Ndani Watu 12 Kwa Kosa La Kufunga Barabara Kuu Ya Tanzania Na Zambia.

Posted on: August 15th, 2019

Mkuu wa wilaya ya Kalambo mkoani Rukwa Julieth Binyura amewaweka ndani watu12 kwa muda usio julikana wakazi wa kijiji chaTatanda  kata ya Sopa baada ya kufunga  barabara kuu inayounganisha nchi ya Tanzania na Zambia kwa kuchimba mashimo na kuweka magogo sambamba na kusimika bendera zao katikati ya barabara hiyo na kupelekea msafara wake kukwama kwa muda.

Tukio hilo la kushangaza limetokea wakati mkuu wa wilaya hiyo Julieth Binyura akielekea katika vijiji vilivyopo mpakani mwa nchi ya Zambia naTanzania kwa lengo la kutatua kero mbalimbali za wananchi ,ambapo akiwa katika  maeneo  ya kijiji cha Tatanda alikutana na vijana wapatao kumi na mbili wakiwa  na majembe,panga na sururu wakiziba barabara kwa kuweka magogo.

Kufuatia hali hiyo alilazimika kuitisha gari ya jeshi la polisi wilaya humo na kuagiza kuwaweka ndani sambamba na kuwafunguilia kesi mahakamani ili iwefundisho kwa wengine wenye tabia chafu na ovu kama hiyo.

Akiongea mara baada ya kusitishwa kwa msafara huo,mkuu wa wilaya hiyo Julieth Binyura,amesema  kitendo hicho hakikubaliki kutokana na vijana hao kutaka kusababisha ajari na kusema kitendo cha wao  kuweka bendera na kuchimba mashimo katikati ya barabara ni kosa kisheria.’

‘’kwanza  kitendo walichokifanya cha kuzuia barabara kwa kuweka magogo ni kitendo kibaya kwani watu hawa tuwahesabu  kama watu ambao  walikuwa  na nia mbaya ,kwani hapa gari yoyote ingepita kulikuwa  nauwezekano mkubwa wa kuweza kupata ajari kutokana na magogo haya walio yaweka.’’alisema Binyura.

Amesema baada ya kukutana na hali hiyo msafara wake aliusitisha kwa muda  na kuita gari  ya polisi lengo  likiwa ni kufanya mahojiano zaidi na  vijana  hao ilikujua nia yao ya kufanya hivyo.

‘’tumewakamata wote na watafunguliwa kesi mahakamani pamoja na kuhojiana nao zaidi kuwa ni kwanini  waliamua kufanya kitendo kama hiki na wakati wameishi hapa miaka mingi na hakuna ajari mbaya  ambazo zimewahi kutokea na kama zingekuwa zimetokea wangepaswa kutoa taarifa  kwa  viongozi  husika ili kuwekewa matuta na sikama hivi walivyo fanya wao.’’alisema Binyura.

Aidha aliwataka wananchi kuacha tabia ya kujichululia sheria mkononi na badara  yake watoe taarifa kwa  viongozi wa serikali za vijiji na kata  pindi  kunapokuwa kumetokea tatizo la aina yoyote kwa lengo la kuepukana na matatizo yasiokuwa ya lazima.

‘’sasa niwatake wananchi wangu muache tabia ya kujichukulia shera mkononi  ikiwemo kuchimba barabara  bila kuzingatia athari zake’’alisema Binyura.

Mtendaji wa kata hiyo JulisTete amelani vikali kitendo hicho na kusema kitendo hicho hakikubaliki  na kuahidi kuendelea kuwalimisha wananchi kupitia mikutano ya hadhara juu  ya athari  za kujichukulia sheria mikoni.

‘’kwanza kitendo hiki nakilani vikari tena kwa nguvu zote kwani kitendo walichokifanya wananchi wangu hakikubariki hata kidogo’’alisema Tete.

Hata  hivyo imeelezwa kuwa wananchi hao walichimba barabra hiyo baada ya kuona mifugo yao ikiwemo nguruwe pamoja na kuku kugongwa na magari yanayofanya safari zake kutoka Kasesha mpakani mwanchi ya Tanzania na Zambia.