Karibu Kwenye Banda La Halmashauri Ya Kalambo

Posted on: August 4th, 2020

Halmashauri ya Kalambo Mkoani Rukwa imeanza rasmi maonesho ya bidhaa mbalimbali katika viwanja vya Mwakangale jijini Mbeya, wananchi wakivutiwa Zaidi na uwepo wa bidhaa ya samaki wa mapambo kutoka ziwa Tanganyika.

Halmashauri ya Kalambo ilianza maonesho tangu tarehe 1Agost ,2020 kwa kuingiza bidhaa mbalimbali zikiwemo, Asali, Samaki wa Mapambo, Samaki wa kawaida, Kuku wa asili ,Ng’ombe wa Maziwa na wa Nyama pamoja na bidhaa zingine nyingi.

Afisa uvuvi wilayani humo Abduli Balozi ,amesema kuna tofauti kubwa kati ya mwaka huu na mwaka jana, ambapo kwa mwaka huu Halmashauri imejitahidi kuwa na bidhaa za namna mbalimbali ambazo zimekuwa kivutio na hamasa kwa watu kuja kujifunza zaid katika maenesho hayo.