Kalambo Ya Anzishia Mkakati Kukabilina Na Utoro Shuleni Kupitia Michezo

Posted on: February 3rd, 2024

Halmashauri ya Kalambo mkoani Rukwa imeanzisha mkakati wa kukabilina na vitendo vya utoro kwa wanafunzi wa shule za misngi kwa kutoa vifaa vya michezo ikiwemo jezi,mipira sambamba na kuanzisha vitalu vya michezo katika shule tatu.

Akikabidhi vifaa vya michezo kwa maafisa michezo kwa niaba ya mkurugenzi mtendaji wa halmashauri hiyo ,Afisa elimu msingi Januari Njovu amesema kwa kutambua umuhimu wa michezo halmashauri kupitia idara ya elimu msingi imenunua jezi seti 4 sawa na jezi 128 na mipra 8 ambazo zitagawiwa kwenye shule za msingi na kwamba lengo ni kuhakikisha wanafunzi hususani wa madarasa ya awali wanajikita kwenye michezo ili kuchangamsha ubongo.

Kwa upande wake afisa elimu taaluma wilayani humo John Daniel, alisema michezo kwa wanafunzi inasaidia kuwafanya wanafunzi kufanya vizuri darasani sambasamba na kuongeza uwezo wa akili hasa katika masomo ya Hisabati ,Kingereza na sayansi na kwamba  michezo hiyo itatumika zaidi kwa wanafunzi wa madarasa ya awali na darasa la kwanza.

Mmmoja wa walimu wa michezo wilayani humo James Masoya ,alisema michezo imekuwa chanzo cha kuongeza mahudhurio darasani sambasamba na kusaidia wanafunzi kuimarisha afya na kuibua vipaji ambavyo vimekuwa vikisaidia vijana kujiajiri wenyewe.

Akikabidhi vifaa vya michezo kwa maafisa michezo kwa niaba ya mkurugenzi mtendaji wa halmashauri hiyo ,Afisa elimu msingi Januari Njovu, alisema kwa kutambua umuhimu wa michezo halmashauri kupitia idara ya elimu msingi ilinunua jezi seti 4 sawa na jezi 128 na mipira 8 ambazo zitagawiwa kwenye shule za msingi na kwamba lengo ni kuhakikisha wanafunzi hususani wa madarasa ya awali kujikita kwenye michezo ili kuchangamsha ubongo.

Hata hivyo baadhi ya walimu wa madarasa ya awali wilayani humo akiwemo James Nyami,walisema michezo imekuwa ikiwawezesha wanafunzi kufanya vizuri darasani na kuishauri serikali kupitia Halmashauri kuona uwezekano wa kufanya ukarabati wa viwanja vya michezo na kuweka miundombinu wezeshi ambayo itavutia wanafunzi kufanya mazoezi muda na wakati wote.

Hata hivyo halmashauri ya Kalambo imefanikiwa kuanzisha vitaru vitatu vya michezo katika shule ya msingi Matai A, shule ya msingi Matai B’ na Mbuluma vitakavyo wawezesha wanafunzi wa madarasa ya awali darasa la kwanza na la pili kufanya mazoezi ili kuimalisha na kuchangamsha ubongo.