Kalambo Yapata Makombe 12 Kwenye Mashindano Ya Umiseta Na Umitashumta

Posted on: July 12th, 2023

Halmashauri ya Kalambo mkoani Rukwa imepata makombe 12 baada ya kuibuka na ushindi katika mashindano ya UMISETA na UMITASHUMTA ambayo yalikuwa yakifanyika kitafa mkoani Tabora na kuwa Halmshauri ya kwanza kwa ngazi ya mkoa katika michezo ya Jumla huku wazazi na walezi mkoani humo wakitakiwa kuwarushu watoto wao kushiriki  kikamilifu kwenye michezo hiyo ili kuimalisha afya na uwezo wa masomo darasani.

Akipokea makombe hayo,mkurugenzi mtendaji wa Halmashauri hiyo Shafi Mpenda aliwapongeza walimu wa michezo wilayani humo kwa kuibuka na ushindi huo na kumwagiza mkuu wa kitengo cha michezo wilayani  humo Amos Mmewa kuhakikisha kila shule inakuwa na vifaa vya michezo  pamoja na kuboresha viwanja vya michezo ili kuwezesha wanafunzi kupata sehemu rafiki ya kufanyia michezo.

Kwa upande wake afisa utumishi na utawala wilayani humo Amandus Mtani aliwataka wazazi na walezi wilayani humo kuwaruhusu watoto kushiriki kikamilifu kwenye michezo hiyo ili kuimalisha afya na kuendeleza vipaji vyao kutokana na kwamba michezo ni ajira.