Katibu Tawala Atoa Siku 7 Kwa Watendajin Kutoa Vitambusho Vya Ujasilimali.

Posted on: July 15th, 2020

Katibu tawala wilayani kalambo mkoani Rukwa Frank Sichalwe amewaagiza watendaji wa kata kuhakikisha wanagawa vitambulisho vya ujasiliamali kwa wafanyabiashara wote wadogo ili kuwawezesha kuondokana na usumbufu usiokuwa  wa lazima.

 Akiongea kupitia kikao kazi na watendaji wa kata  kilichofanyika kwenye ukumbi wa mkuu wa wilaya  hiyo, alisema mpaka sasa fedha zilizoingizwa  kwenye mfumo ni shilingi milioni mbili lakisita na themanini (2,680,000) sawa na vitambulisho143 na fedha million 12 .8 sawa na vitambulisho 641.

Alisema lengo la serikali ni kuwawezesha wafanyabishara wadogo kufanya shughuli zao bila kubugudhiwa  na mtu na kuwataka watendaji hao kuhakikisha  wanaweka utaratibu maalumu kwa kushirikiana na watendaji wa vijiji kugawa vitambuliho vya ujasiliamali kwa watendaji wote.

Aidha aliwaagiza maafisa  tarafa kushirikiana na watendaji wa kata  na vijiji  katika  uwasilishaji wa vitambulisho na kutoa siku 7 kuhakikisha vitambulisho vyote  vinagawiwa kwa watendaji ili viweze kugawiwa kwa wahusika.

Afisa utumishi na utawala wilayani humo Amandus Mtani aliwasihi watendaji kuendelea  kufanya kazi kwa  bidii ikiwa  ni pamoja  na kugawa vitambulisho  hivyo kwa wajasiliamali ili kuendana na  malengo ya serikali.