Mgombea Ubunge Chadema Jimbo La Kalambo Achukua Fomu

Posted on: August 14th, 2020

Mgombea Ubunge kupitia tiketi ya chama cha Demokrasia na maendeleo CHADEMA jimbo la Kalambo mkoani Rukwa Kened Simtowe amejitokeza hadharani akiwa amesindikizwa na mamia ya wafuasi wa chama hicho kuchukua fomu ya kuwania nafasi ya ubunge katika ofisi za msimamizi wa uchaguzi jimbo hilo.

Mgombea huyo aliwasili katika ofisi za msimamizi wa jimbo hilo majira ya 9:30 alasiri huku akiwa ameambatana na Zaidi ya wafuasi 100 wa chama hicho kutoka kwenye kata 23 na vijiji 111 vya jimbo hilo.

 Msimamizi wa uchaguzi wa jimbo hilo, Msongela Palela, amesema uchaguzi utakuwa wa haki na huru na kuwataka wagombea kuendelea kujitokeza kuchukua fomu kabla ya muda kuisha.

Kwa upande wake mgombea wa nafasi ya ubunge kwenye jimbo hilo Kened Simtowe,amesema katika kipindi chote cha kampeni atahubiri madhara yanayotokana na rushwa ikiwa ni pamoja na kuwaunganisha watu na kuwa kitu kimoja.