Mtoto Wa Siku Nne Atupwa Chooni wilayani Kalambo

Posted on: March 26th, 2020

Tukio hilo lilitokea majira ya saa 07:00 Asubuhi Kijiji cha Namlangwa, Kata ya Lyowa,Tarafa ya Matai,Wilaya ya Kalambo Mkoa wa Rukwa ambapo Mwanamke mwenye umri wa miaka 65 Veneranda Maembe, Mkristo, Mfipa, Mkulima wa Namlangwa,aligundua kutupwa mtoto mchanga wa siku nne (04) ndani ya choo chake na mtu asiyefahamika.

Kamanda  wa polisi mkoani Rukwa Justine  Masejo amekiri  kutokea tukio  hilo na kusema ;

‘’ kuna mama ambaye anashukiwa kujifungua mapacha kuwa ndiye aliyemtupa mtoto huyo maana baada ya tukio alitoweka mtaani na walipoenda kwake wakakuta nyumba iko wazi katoa vitu vyote hata hivyo juhudi za kumtafuta zinaendelea kwa kushirikiana na wananchi wa Kijiji hicho’’ alisema  Kamanda  Masejo.

Aidha Kamanda wa Polisi Mkoa wa Rukwa Kamishna Msaidizi wa Polisi Justine majura Masejo – ACP anatoa onyo kali kwa baadhi ya wanawake wenye nia mbaya za kutupa watoto na anaahidi kulishughulikia suala hilo kwani limeshafika sehemu salama.