Naibu Waziri Kandege Atoa Misaada Kwa Waathirika Wa Mafuriko - Kipwa

Posted on: May 4th, 2020

Naibu waziri ofisi ya Rais tawala za mikoa na serikali za mitaa (TAMISEMI) Josephati kandege ametoa misaada ya vitu mbalimbali kwa waathirika wa mafuliko yaliosababisha zaidi ya nyumba 138 kubomoka na watu 139 kukosa makazi  katika kijiji cha kipwa wilayani kalambo mkoani Rukwa .

Kijiji cha Kipwa kipo  mpakani  mwa  nchi ya Tanzania  na Zambia lakini kwa hivi  sasa kijiji hicho kinakabiliwa na kadhia ya maji ya ziwa Tanganyika kuzingira   makazi yao .

Maji hayo  yamesababisha  Zaidi  ya  nyumba 138  kubomoka  na  kaya  139 kuacha  makazi  na huku changamoto  kubwa ikitajwa kuwa ni watu  wengi  kukosa  chakula  pamoja  na vitu vya  kujifunika ikiwemo  mablanketi  na matenti.

 Hali hiyo imepelekea Naibu waziri  ofis  ya  Rais  tawala za mikoa na serikali za mitaa TAMISEMI Josephat  Kandege  kufika kijijini  hapo kisha  kutoa misaada  ya  vitu mbalimbali kwa wakazi  wa kijiji hicho  ikiwemo unga kiasi cha tani moja.

  Hata  hivyo katika ziara  hiyo ametumia fulsa  hiyo  kuwasihi wananchi wa kijiji hicho kuhakikisha  wanahamia  katika  maeneo ya milima Mawesande ambako maji  ya ziwa hilo hayawezi kufika kiurahisi na kulipongeza shirika la msalaba mwekundu kwa kuwezesha  mablanketi 100 na magodoro 100  wakazi wa  kijiji hicho na kuwa  msaada  huo ni mkubwa.

Mwakilishi wa mkuu wa mkoa huo Endrue Ngindo, amesema licha  ya hilo mkoa   umetoa  kilo 100 za sukari pamoja na matenti 16 lengo likiwa ni kuwasaidia  wananchi  hao.

Wakazi  wa  kijiji  hicho  kwa upande wao wamesema msaada huo utawasaidia  kwa  kiasi kikubwa  na kuwasihi watu wengine kuendelea kufika maeneo hayo ili kuwasaidia.