Rais Wa Jamhuri Ya Muungano Wa Tanzania Dkt John Pombe Magufuli Ameaga Dunia.

Posted on: March 18th, 2021

Kifo cha Magufuli kimetangazwa rasmi Jumatano usiku na makamu wake Samia Hassan Suluhu.

Amesema kwamba Rais Magufuli aliaga dunia katika hospitali ya Mzena iliyopo jijini Dar es Salam mwendo wa saa kumi na mbili jioni saa za Afrika Mashariki kutokana na matatizo ya moyo.

Akithibitisha kifo hicho makamu wa rais Samia Suluhu amesema kwamba rais Magufuli alianza kuugua mnamo tarehe 14 mwezi Machi na kulazwa katika hospitali hiyo ambapo alifariki.

Magufuli ambaye ni rais wa tano wa Jamhuri ya muungano wa Tanzania amefariki akiwa na umri wa miaka 61.

Kwa mujibu wa makamu wa Rais Magufuli alikuwa chini ya uangalizi wa madaktari wa moyo kutoka hospitali ya Jakaya Kikwete.

Makamu huyo wa rais ametangaza siku 14 za kuomboleza .Amesema kwamba katika kipindi hicho chote bendera zote nchini humo zitapepea nusu mlingoti.

Amesema kwamba Magufuli amekuwa akiugua tatizo la moyo kwa zaidi ya miaka 10.