Rc Wangabo Ataka MV Liemba Kufanyiwa Ukatabati.

Posted on: October 24th, 2019

Mkuu wa mkoa wa Rukwa Mh.Joachim Wangabo ameitaka wizara ya ujenzi ,uchukuzi na mawasilino kuharakisha ukarabati wa meli ya MV Liemba ambayo kwa muda mrefu imekuwa haifanyi kazi na hivyo kuwalazimu wananchi kutumia mitumbwi na boti kusafirisha mizigo yao hali ambayo ni hatari kwa maisha yao.

Amesema wananchi wamekuwa wakiweka maisha yao hatarini kwa kutumia vyombo kama mitumbwi na boti ambavyo usalama wake ni mdogo ukilinganisha na meli kubwa ya MV Liemba ambayo usalama wake ni wa uhakika muda na wakati wote.

Ameyasema hayo kupitia mahojiano maalmu na kituo hiki ,ambapo amesema endapo meli hiyo ikikamilika uchumi utaongezeka sambamba  na kurahishwa  kwa  usafiri wa  mizigo na wananchi.

“Nitoe wito kwa wizara husika hii meli ya MV Liemba nimeambiwa hapa kwamba ikipita kwenda Zambia inaitwa ‘Our Baby’ mtoto wetu, sasa huyu mtoto wetu anaulizwa yuko wapi, Zambia wanauliza, sasa Wizara husika twende haraka isimamie hili jambo, MV Liemba itengenezwe, ’’amesisitiza mkuu wa  mkoa  wa Rukwa  JaoachimWangabo.

Hata hivyo Mamlaka ya Bandari hapa  nchini inaendelea na utekelezaji  wa miradi mitatu ya bandari  katika Mkoa wa Rukwa inayogharimu kiasi cha shilingi bilioni 12 .7 katika  wilaya ya kalambo na Nkasi  hivyo  kukarabatiwa  kwa  meli  hiyo kutaongeza  kiwango cha  ajira  kwa  wananchi.