Serikali Ya azimia Kupandisha Thamani Ya Samaki Wanaovuliwa Katika Ziwa Tanganyika.

Posted on: July 17th, 2019

• Wizara ya mifugo na uvuvi hapa nchini imesema inategemea kuanza kuboresha miondombinu ya soko kuu la samaki Kasanga lilipo wilayani kalambo mwambao wa ziwaTanganyika mkoani Rukwa ambalo litahudumia zaidi ya wananchi elfu kumi na nane wa kata za kasanga naSamazi kwa lengo la kusaidia kuboresha uchumi wa wananchi pamoja na kuongeza thamani ya samaki.

Mradi wa ujezi wa soko la Samaki kasanga ulianza kutekelezwa mwaka mwaka 2009 na kukamilika  mwaka  2011 na kugharimu  kiasi cha zaidi ya shilingi millioni 876 na huku lengo kuu la mradi huo  ikiwa ni kupata wanunuzi wa uhakika wa samaki wa ndani na nje ya nchi pamoja na kusaidia kuongeza pato la halmashauri na serikali kuu.

Akisoma taarifa   fupi juu  ya mradi  huo  mkurugezi mtendaji  wa halmshauri  ya kalambo Msongela Palela alisema ukosefu  wa miondombinu ya barabara pamoja na umeme umekuwa  kikwazo  kikubwa  kutofanyika  kwa  biashara maeneo  hayo .

‘’kumekuwa  na changamoto ya walengwa kutokuwa na elimu ya  kutosha juu ya  uvuvi endelevu unaozingatia tija na mazingira ya ziwa Tanganyika na mwambao wake kwa ujumla, pia uhaba wa zana na vifaa vya vya uvuvi hali inayopelekea soko kutokamika kwa  kiwangokinachostahili’’alisema palela

Alisema  kukamilka kwa miundombinu iliosalia kutawezesha kukidhi mahitaji ya  soko la ndani na nje ya nchi kwa kiwango kikubwa kinachotakiwa kwa kufuata  sheria.

Katibu  tawala  wilayani  humo Frank Sichalwe amesema  tayari  wamefanya mawsilino na shirika la  Tanesko na wamekubali  kupeleka umeme kwa gharama zao kwenye maeno hayo.

‘’julay  saba 2019 naibu  waziri  wa tamisemi  alifika  katika  maeneo  hayo lakini  baada  ya kuondoka  tu shirika  la  tanesiko  nalo  lilifika na vifaa vyote  tayari  kwa  kuweka  umeme  maeneo  haya, hali hii inasaidia  kujenga  imani  kwa  wananchi  kuona  serikali  inawatimizia mahitaji yao kwa muda muafaka.’’alisema sichalwe.

Awali akikagua mradi wa soko  hilo katibu  mkuu wizara ya mifugo na uvuvi DKT Rashid Tamatama  amesema  lengo  la  kujengwa  kwa  masoko  hayo  ni kuongeza  thamani  ya samaki  wanavuliwa  kwenye  ziwa  Tanganyika.

Alisema  kukamilika kwa miundombinu iliosalia kwenye maeneo hayo kutasaidia  kwa  kiasi kikubwa  kuongeza  thaamani ya samaki  ambao wamekuwa  wakivuliwa  kwenye ziwa  hilo.

Licha  ya  hilo  katibu  huyo  ametembelea  na kukagua  uendeshwa wa kiwanda cha  samaki muzi  kichopo  mwambao  wa  ziwa  hilo.