SERIKALI YAIDHNIISHA BILION 600 KUJENGA MELI YENYE UKUBWA WA TANI 3500

Posted on: December 17th, 2024

Naibu waziri wa wizara ya uchukuzi Mhe.David Kihenzile amesema serikali imeidhinisha fedha kiasi cha shilingi Billion 600 kwa ajili ya ujenzi wa meli yenye ukubwa wa tani 3500 itakayo kuwa ikifanya safari zake katika ziwa Tanganyika kupitia bandari ya Kasanga wilayani Kalambo mkoani Rukwa.

Ameyasema hayo baada ya kutembelea na kukagua miundombinu ya bandari ya Kasanga wilayani Kalambo mkoani Rukwa na kusema licha ya hilo serikali inakusudia kuanza ujenzi wa kiwanda cha kutengeneza meli kubwa ambayo itakuwa na uwezo wa kuhifadhi meli mbili zenye ukubwa wa tani 500 kwa wakati mmoja.

Pamoja na hayo amesema serikali imeanza ukarabati wa meli tatu za mizigo na abiria ikiwemo meli ya MV.Liemba,MV.muongozo na MT.Sangala ambazo zikikamilika zitarahisisha swala la usafiri na usafirishaji wa mizigo katika ziwa Tanganyika.