Serikali Yawahakikishia Wananchi Kukarabatiwa Kwa Madaraja Yote .

Posted on: March 24th, 2020

SERIKALI mkoani Rukwa imesema imejipanga kufanya ukarabati wa madaraja yote yaliyoharibika yakiwemo ya vijiji vya kata ya Mbuluma Wilayani Kalambo na mtaa wa Kasisiwe Manispaa ya Sumbawanga na huku ikiwasisitiza wananchi kuto pita maeneo yenye maji mengi kwa lengo la kuondokana na matatizo yasiokuwa yalazima.

Hatua hiyo inakuja kufutia Mvua kubwa zinazo endelea kunyesha mkoani humo na   kusababisha adha kwa wananchi ikiwa ni pamoja na vifo vya watu wawili katika vijiji vya Kanyalakata na Chisenga Wilayani ya Kalambo, tukio  lililo ambatana na kubomoka kwa nyumba saba katika kata ya Kasanga huku ikisababisha kukatika kwa mawasiliano ya barabara ya Kasisiwe katika Manispaa ya Sumbawanga na kupelekea mama mja mzito kujifungulia vichakani baada ya mto huo kujaa maji na kushindwa kupita akiwa njiani kuelekea hospitalini.

Kalambodc imezungumza na meneja wa wakala wa barabara za vijijini  na mijini  TARULA  mkoani humo Seth Mwakembe na kusema yafuatayo;

‘’Nikweli katika kipindi hiki cha masika Tanzania imekumbwa na mafuriko katika maeneo mbalimbali na sehemu kubwa imeathiri  ni miundo mbinu ya madaraja. Lakini mpango wa serikali ni kuyakagua  madaraja yote na kuangalia uharibifu kwa lengo la kuyakarabati ili yapitike .

‘’Kuna maeneo yameathirika kwa kiasi kikubwa kuliko hata madaraja ya  Mbuluma na Kasisiwe hivyo niwatake wananchi kuendelea kuwa  wavumilivu  wakati  Serikali ikijiandaa kufanya ukarabati  huo ikiwa  ni pamoja  na kuto pita  sehemu  zenye  maji mengi au kusubiri  maji  yapungue ndipo  wavuke.’’ Alisema  Mwakyembe.

 Akiongea kwa niaba ya Serikali, Mkuu wa  Wilaya  ya Kalambo Julieth Binyura, aliwataka wananchi kuwa makini  katika  kipindi  hiki kwa  kuacha maji yapite ndipo  wavuke  kwenye mito iliyojaa ili kuepukana na matatizo  yasiyo  kuwa   yalazima.