SERIKALIYA ADHIMIA KUTATUA CHANGAMOTO ZINAZO CHANGIA UGUMU WA MALISHO KWENYE SHAMBA LA KALAMBO.

Posted on: July 6th, 2019

• Serikali imeanza kuzitatua changamoto zinazochangia ugumu wa malisho ya mifugo kwenye shamba la mifugo la Kalambo lililoko wilaya ya kalambo mkoani Rukwa shamba lililoteuliwa kulisha mifugo iliyokosa malisho kwenye mikoa ya ukanda wa magharibi ya nchi.

Naibu waziri wa mifugo na uvuvi abdallah ulega amewaeleza baadhi ya wafugaji wa kata ya kilangawana iliyopo bonde la ziwa rukwa katika halmashauri ya wilaya ya sumbawanga kuwa hatua hiyo inafuatia taarifa kuwa baadhi ya wafugaji wameondoa mifugo yao kutoka kwenye shamba hilo kutona na miundombinu duni ya malisho

baadhi ya wafugaji katika bonde la ziwa Rukwa kata ya kilangawana wilaya ya sumbawanga  wameekielezea mazingira duni ya malisho kwenye shamba la mifugo la kalambo lenye ukubwa wa zaidi ya hekta elfu kumi lililotengwa kwa ajili ya malisho

wamesema licha ya serikali kupunguza ada ya malisho bado marekebisho ya miundombinu ya shamba hilo la malisho yanahitajika ili kukidhi lengo lililokusudiwa .

Mkuu wa wilaya ya Sumbawanga dokta Halafany haule amesema serikali itaendelea kuweka mazingira mazuri ya ufugaji katika maeneo sahihi ili kulinda hifadhi ya pori la akiba la uwanda lililoko katika bonde la ziwa Rukwa

ziara ya siku nne ya naibu waziri wa mifugo na uvuvi mkoani Rukwa ina lengo la kujenga uhusiano mzuri kati ya makundi ya wakulima na wavuvi na pia kutoa hamasa ya kuepukana na vitendo vya uharibifu wa mazingira