Shule Ya Msingi Kipanga Yaongoza Matokeo Ya Darasa La Saba Kwa Mwaka 2023.

Posted on: February 2nd, 2024

Shule ya msingi Kipanga iliyopo wilayani Kalambo Mkoani Rukwa imekabidhiwa ngao ya ushindi baada ya kushika nafasi ya kwanza ya ufaulishaji mitihani ya darasa la saba kwa mwaka 2023 ikifuatiwa na shule ya sekondari Zengwa ambayo ilishika nafasi ya kwanza katika  ufaulishaji mitihani ya kidato cha pili kwa mwaka 2023 na kukabidhiwa  ngao ya ushindi.

Licha ya hilo shule  ya Sekondari Kasanga imekabidhiwa cheti  cha pongezi baada ya kufaulisha vizuri mitihani ya kidato cha nne kwa mwaka 2023 baada ya kushika nafasi ya tatu kwa ngazi ya mkoa na kuifanya wilaya ya Kalambo kuwa miongoni mwa wilaya za mkoa wa Rukwa zilizo fanya vizuri kwa ngazi ya mkoa  na taifa.

 Hata hivyo shule hizo zilikabidhiwa ngao na vyeti na mkuu wa mkoa wa Rukwa Makongoro Nyerere kupitia kikao cha wadau wa elimu kilicho fanyika katika manispaa ya sumbawanga,  ambapo aliwasisitiza walimu kufanya kazi kwa weredi ili kuongeza ufaulu kwa wanafunzi.