Uwanja Wa Taifa Wapewa Jina La Mkapa

Posted on: July 28th, 2020

Uwanja wa Taifa jijini Dar es Salaam umebadilishwa jina rasmi na kutoka leo utaitwa uwanja wa Mkapa.

Hilo limetangazwa na Rais wa Tanzania John Pombe Magufuli wakati wa hafla ya kitaifa ya kumuaga marehemu Benjamin Mkapa ambaye alifariki wiki ilopita.

Mkapa alikuwa rais wa awamu ya tatu wa Tanzania kutoka mwaka 1995 mpaka 2005. Uwanja huo wenye uwezo wa kubeba mashabiki 60,000 ulijengwa wakati wa kipindi chake.

Magufuli ameeleza kuwa anafahamu Mkapa mwenyewe hakupenda vitu viitwe jina lake "ila leo kwa sababu amelala na hawezi kuniadhibu kwa namna yoyote ile, nauita rasmi uwanja ule kwa jina lake."

Japo hakujipambanua kama shabiki wa michezo, Magufuli amesema Mkapa alikuwa shabiki klabu ya Yanga.

Magufuli pia amemueleza Mkapa kama kiongozi ambaye alikuwa na uwezo mkubwa wa kuibua viongozi wengine.

"...unaweza kusema alikuwa na maono makubwa, ni yeye ndiye aliniibua mimi. Alimteua rais mstaafu Jakaya Kikwete kuwa waziri wake wa Mambo ya Nje kwa miaka 10, unaweza kusema alikuwa anamuandaa kumrithi. Pia amemuibua rais Shein wa Zanzibar na hata mgombea wa CCM Zanzibar Dkt Mwinyi amemuibua yeye."

Magufuli pia amesema kuwa hakuna mtu anayeweza kumulezea Mkapa zaidi ya kitabu chake mwenyewe ambacho alikizindua miezi minane iliyopita.

Magufuli pia amemueleza Mkapa kama kiongozi ambaye alikuwa na uwezo mkubwa wa kuibua viongozi wengine.

"...unaweza kusema alikuwa na maono makubwa, ni yeye ndiye aliniibua mimi. Alimteua rais mstaafu Jakaya Kikwete kuwa waziri wake wa Mambo ya Nje kwa miaka 10, unaweza kusema alikuwa anamuandaa kumrithi. Pia amemuibua rais Shein wa Zanzibar na hata mgombea wa CCM Zanzibar Dkt Mwinyi amemuibua yeye."

Magufuli pia amesema kuwa hakuna mtu anayeweza kumulezea Mkapa zaidi ya kitabu chake mwenyewe ambacho alikizindua miezi minane iliyopita.

Hafla ya kitaifa ya kumuaga Mkapa yaanza

Rais wa Tanzania John Pombe Magufuli anaongoza mamia ya watu katika hafla ya kitaifa ya kumuaga rais mstaafu wa taifa hilo Benjamin Mkapa ambaye aliaga dunia usiku wa kuamkia Ijumaa.

Toka Jumapili mwili wa Marehemu Mkapa umekuwa ukiagwa katika uwanja wa Uhuru jijini Dar es Salaam. Hii leo, ni zamu ya viongozi wakuu wa taifa hilo pamoja na wageni kutoka nje kuaga.

Mzee Mkapa anatarajiwa kuzikwa kesho Kijijini kwake Lupaso, mkoni Mtwara kusini mwa Tanzania.