Wakazi Wa kijiji cha Namlangwa Waomba Elimu Zaidi Juu Ya Ujenzi Wa Nyumba Bora''.kalambo''

Posted on: December 3rd, 2020

Wakazi wa kijiji cha Namlangwa kata ya Lyowa wilayani Kalambo mkoani Rukwa wameiomba serikali kuwapatia elimu zaidi juu ya ujenzi wa nyumba imara na zenye ubora kutokana na maeneo hayo kukubwa na adha ya nyumba zao kuanguka kila mwaka kutokana na mvua kubwa ambayo imekuwa ikiambatana na upepo mkali kunyesha kisha kuharibu makazi yao na kuwasabishia hasara kubwa

Wakiongea kwa nyakati tofauti mara baada ya nyumba zao zipatazo 16 kuanguka kutokana na mvua kubwa iliokuwa imeambatana na upepo mkali kunyesha katika maeneo hayo,wamesema serikali haina budi kuingilia kati swala hilo kwa kuwapatia elimu juu ya namna  ya  ujezi wa  nyumba bora .

Wamesema kila mwaka nyumba zimekuwa zikianguka katika maeneo hayo kutokana na kujenga nyumba kwa kutumia tope huku wengi wao wakijenga bila kuweka lenta na kusababisha kuanguka kila ifikapo wakati wa masika.

Mkuu wa wilaya hiyo Calorus Misungwi amekili kutokea tukio hilo na kuwataka wananchi kujenga nyumba zenye ubora ikiwa ni pamoja na kupanda miti kuzunguka maeneo hayo kwa lengo la kuondokana na kadhia hiyo