WAKULIMA KALAMBO WATAKIWA KUTUMIA MBOLEA KUONGEZA UZALISHAJI WA MAZAO YA NAFAKA.

Posted on: October 15th, 2025

 Wakulima wilayani Kalambo Mkoani Rukwa wametakiwa kutumia mbolea ili kuongeza tija ya uzalishaji wa mazao ya nafaka shambani kwa kuongeza bidii katika upimaji wa afya ya udongo.

Hayo yamebainishwa na Mkurugenzi msaidizi Idara ya maendeleo na kilimo kutoka wizara ya kilimo Ndugu Samsoni Ponela wakati akiongea na wakulima katika Kata ya Matai na Mkowe wilayani Kalambo kupitia mkutano wa hadhara uliokuwa na lengo la kutoa elimu kwa wakulima juu ya matumizi sahihi ya Mbolea na kusema lengo la serikali ni kuwawezesha wakulima kunufaika na kilimo kwa kulima kwa tija.

Aidha ametumia fursa hiyo kuwataka wakulima kuachana na kilimo cha mazoea na badara yake kujikita zaidi katika kilimo chenye tija ikiwemo kufuata taratibu na kanuni zinazotolewa na wataalamu wa kilimo.

 Kwa upande wake kaimu Mkurugenzi mtedaji Halmashauri ya Wilaya ya Kalambo Ndugu Nicholaus Mlango, amesema kwa sasa wanaendelea kuwasajili wakulima kwenye mfumo ili kupata mbolea ya RUZUKU kabla yakuanza msimu  mpya wa kilimo