Watendaji Wa Serikali Za Vijiji na kata Waitaka Serikali Kulipa Asilimia 20% Za Vijiji.

Posted on: July 23rd, 2019

• Watendaji wa serikali za vijiji na kata wilayani  kalambo mkoani Rukwa wameiomba serikali kujenga mazoea ya kurejesha asilimia ishirini za vijiji kwa wakati kwa lengo la kuimaisha ushirikino mzuri kati yao na wenyeviti wa serikali za vijiji wakati wa ukusanyaji mapato na kusaidia kuondokana na adha ya utoroshwaji wa mapato unaofanywa na baadhi ya wafanyabiashara.

Hayo yamebainika kupitia kikao maalumu kilichofanyika  katika tarafa ya mwimbi wilayani humo,ambapo wamebainisha kuwa baadhi ya viongozi wa serikali za vijiji wamekuwa wagumu kutoa  ushirikiano hususani wakati wa ukusanyaji mapato na hivyo kupelekea mapato kutoroshwa na baadhi ya wafanyashara.

Waendapo serikali ikitoa asilimia hizo ushirikiano baina yao na viongozi wa vijiji utaimalika na vyanzo vyote vya mapato vitathibitiwa .

Mchael Mazila mtendaji wa kata ya ulumi,alisema wenyeviti wa vijiji ndio nguzo kuu katika  maeneo  yao hivyo endapo kikiwa na ushirikiano  wa  kutosha mapato  ndani  ya  halmashauri  yataongezeka  kwa  kasi kubwa.

Bahati  chapasi  mtendaji wa  kijiji cha,Mwimbi alisema serikali haina budi  kuangalia namana ya kuboresha miundimbinu ikiwemo  barabara kwa lengo la kuawezesha wafanyabiashara kupitisha magari yao kwa urahisi zaidi

Mkurugezi mtendaji  wilayani humo Msongera Palela amesema halmashauri imejipanga kulipa madeni yote hususani ya asilimia  za vijiji na kusema kufikia mwezi wa tisa vijiji vyote vitakuwa vimelipwa.

‘’hapo awali halmashauri ilikuwa na madeni mengi hivyo mzigo ulikuwa mkubwa na  kushindwa kulipa asilimia za viijiji kwa  wakati lakini tunaimani  kufikia  mwezi wa tisa vijiji vyote vitakuwa  vimelipwa’’alisema msongera.

Afisa tarafa ya Mambwenkoswe Mpapalika mfaume alitumia fulsa  hiyo kuwataka wananchi  kuendeleaa kuheshimu maamuzi ambayo yamekuwa yakitolewa  na mabaraza kutokana kwamba mabaraza yote yapo kisheria.