Watoto 80,486 Kufikiwa Na Zoezi La Chanjo Ya Polio Wilayani Kalambo.

Posted on: September 13th, 2023

Mkuu wa wilaya ya Kalambo mkoani Rukwa Lazaro komba amesema mkoa umeanzisha kampeni ya nyumba kwa nyumba ili kutoa chanjo kwa watoto 391,883 wenye umri chini ya miaka 8 kati yao wilaya ya Kalambo ikiwa ni watoto 80,486, Nkasi 109,514 na Sumbawanga 118,071 na kuwaagiza waganga wakuu kuhakikisha kila mtoto anapata chanjo kwa wakati.

Hatua hiyo inakuja baada ya mtoto mwenye umri wa mwaka mmoja na miezi kumi na moja mkazi wa Manispaa ya Sumbawanga kugundulika kuwa na virus vya ugonjwa wa polio baada ya kuonyesha dalili za kupooza kwa ghafla hali iliyopelekea mkoa kuanzisha kampeni ya nyumba kwa nyumba ili kutoa chanjo kwa watoto wote wenye umri chini ya miaka 8.

Akiongea kupitia kikao cha afya ya msingi PHC kwa niaba ya mkuu wa mkoa huo, mkuu wa wilaya ya Kalambo Lazaro Komba alisema kutokana  na uwepo wa mwingiliano mkubwa wa watu uliopo kati ya nchi zenye mlipuko wa ugonjwa huo ikiwemo Zambia , mkoa umeanziha kampeni maalumu  ya chanjo ambayo itafanyika kwa muda wa siku nne kuzunguka halmshauri  za mkoa wa Rukwa.

‘’ kamepeni hii itafanyika kuanzia tarehe 21-24/2023 katika mkoa wetu pamoja na mikoa sita inayopakana nchi zenye mlipuko wa polio ambayo ni kagera, Kigoma,Katavi , Songwe na Mbeya na kwamba lengo la kampeni hii ni kuwafikia watoto 391,883 waliozaliwa baada ya mwaka 2016 ili kuwakinga dhidi ya mambukizi ya ugionjwa wa polio.alisema Komba.

Kwa upande wake mganga mkuu wa mkoa wa Rukwa Dkt,Ibrahimu Kifaru  amesema licha ya kampeni hiyo miongoni mwa hatua walizochukua kama mkoa ni pamoja na kukaa vikao vya ujirani mwema  kati ya nchi za Tanzania na Zambia ili kutafuta njia ya kuzuia kuenea kwa ugonjwa  huo na kwamba  ili kufanikisha zoezi hilo la mkoa  kwa kushirikiana na wizala ya afya pamoja na wadau wa chanjo wamefanya maandalizi  kwa ajili ya uwezeshaji wa zoezi hilo

Alisema kupitia zoezi hilo kutakuwa na jumla ya watoa huduma 1,038 ambapo kila timu itakuwa na watoa huduma watatu ambao watakuwa na kazi ya kutoa chanjo kupitia vituo mbalimbali na kwenye mikusanyiko.