Watoto Chini Ya Umri Wa Miaka 8 Kuepushwa Na Vitendo Vya Ukatili.

Posted on: December 8th, 2020

Wadau wa kupinga na kukemea matukio ya ukatili wa kijinsia mkoani Rukwa wameitaka jamii kuendelea kukemea vitendo vya ukatili wa kijinsia dhidi ya watoto wenye umri chini ya miaka 8 kwa kutoa taarifa kwenye vyombo husika ili kuchukuliwa hatua za kisheria

 Wakiongea katika nyakati tofauti,wamesema matukio ya ukatili wa kijinsia dhidi ya watoto yamepungua kwa  kiasi kikubwa ukilinganisha na awali ambapo watoto walikuwa wakiteswa na kunyimwa haki zao zamsingi ikiwemo elimu.

Wamesema licha ya kuwepo kwa mafanikio hayo lakini bado mashirika yana nafasi ya kuendelea  kupinga na kukemea  matukio hayo  kwa kutoa elimu katika jamii ili kuweza kutokomeza kabisa.

Mkuu wa polis wilayani Nkasi David Mpasya, amesema changamoto kubwa imekuwa kwa wazazi kuto toa  ushirikino wakati wa uendeshaji kesi mahakamani na kusema ni vyema mashirika yakaendelea kutoa elimu kwa  wazazi juu ya umuhimu wa elimu.

Mratibu wa kupinga mimba za utotoni kupitia shirika lisilo la kiserikali la GCDE bwana Antoni Komba, amesema matukio ya ukatili wa kijinsia yamepungua kwa  kiwango cha juu kwani hata vipigo kwa  wanafunzi mashuleni vimepungua na kusema swala hili  limefanikiwa kwa kiwango cha juu kutokana na elimu iliyotolewa  kwa wananchi  na mashirika  husika.

Hata hivyo mashirika ya ECD yamekuwa miongoni mwa mashirika yaliyosadia kupunguza matukio ya kijinsia kwa  kutoa elimu kwa wananchi kupitia  vyombo vya habari na midaharo.