Watu 18 Raia Wa Zambia Wakamatwa Kwa Kosa La Kuingia Nchini Bila Vibali .Huku Watanzania 10 Wakinaswa Kwa Kuwahifadhi Watu Hao’’kalambo’’

Posted on: March 23rd, 2020

Watu 18 raia wa nchi jirani ya Zambia wanashikiliwa na idara ya uhamiji mkoani Rukwa kwa tuhuma za kuingia nchini kupitia mpaka wa Kasesha  wilayani Kalambo bila vibali na huku wananchi wakiitaka idara hiyo kuwachukulia hatua kali za kisheria ikiwemo kuwafikisha mahakamani watazania waliohusika kuwasafarisha  na kuwahifadhi watu hao.

Hatua hiyo imekuja kufuatia idara ya  uhamiaji  kufanya  msako  mkali  katika mpaka  wa Kasesha wilayani Kalambo  na kuwakamata watanzania kumi ambao  walikamatwa kwa kosa la kuwahifadhi watu ambao ni  raia wa nchi  jirani ya Zambia  kinyume na utaratibu.

 Kamishina msaidizi wa uhamiji mkoani Rukwa Elizeus Mshongi, alisema‘’watu kumi na moja ambao ni raia wa nchi jirani ya Zambia wamerejeshwa katika nchi yao  kutokana na wengine kuwa wazee na wengine kuwa wagonjwa, na watu wengine saba ambao ni raia wa nchi hiyo walifikishwa katika mahakama ya wilaya ya Kalambo na kuhukumiwa kutumikia kufungo cha miezi sita au kulipa faini ya shilingi laki tano kwa kila mmoja na msako bado unaendelea.alisema Mshongi.

Alisema licha ya hilo watu 6 raia wa nchini Ethiopia wanashikiliwa na idara ya  uhamiaji  kwa kosa la kuingia nchi bila  vibali na kusema watu hao walikamatwa  wakiwa na pasipoti za Kenya na huku vitambulisho vyao vikiwa ni vya Ethiopia .

‘’Baada ya  kuwapekuwa Zaidi walikutwa na pasipoti zinazoonyesha  kuwa walipitia  katika kituo cha uhamiaji cha Namanga kilichopo mkoani Arusha lakini baada ya kujiridhisha Zaidi  kupitia maafisa uhamiaji waliopo kwenye eneo hilo waligundua walikataa kuwapokea wahamiaji hao na kugundua kuwa pasipoti zao zilikuwa feki’’.alisema Mshongi.

Aidha aliwataka wananchi kuacha kuwahifadhi wahamijia  hao nakuahidi  kuchukua  hatua kali za kisheria kwa watanzania ambao watabainika kuwahifadhi watu  kutoka nchini zingine kinyume na utaratibu.