Wavuvi Hakuna Kupeleka Samaki Zambia.

Posted on: March 11th, 2020

Wavuvi Wilayani Kalambo mkoani Rukwa wametakiwa kutumia fursa ya kufunguliwa kwa soko kuu la samaki la Kasanga Wilayani humokwaajili kuongeza vipato vyao na serikali kwa kuuza samaki na kuacha tabia ya kutumia njia za panya kupeleka samaki katika nchi jirani ya Zambia.

 Wito  unatolewa kwa wavuvi hao baada ya soko hilo lilojengwa kuanzia mwaka 2008 na kuwekewa jiwe la Msingin na aliyekuwa Makamu wa Rais Dkt.Mohamed Gharib Bilal mwaka 2012, huku likishindwa kufanya kazi kwasababu mbalimbali,ikiwapo kukosekana kwa miundombinu ya umeme na hata zana za kuhifadhia samaki, lakini hii leo limefunguliwa rasmi.

Mkurugenzi  mtendaji  wa  Halmashauri  hiyo  Msongela Palela alisema , wavuvi wote wa mwambao wa ziwa Tanganyika [upande wa Kalambo] hawana  budi kuacha tabia ya kuuzia samaki majini na badala yake walete kwenye soko la samaki la Kasanga

‘’niwatake wavuvi wote kuleta samaki  zenu hapa kwani miundo mbinu ya umeme, barafu na vichanja imeboreshwa, na wanunuzi wapo kwa wingi tofauti na hapo awali ambapo ilikuwa inawalazimu kupeleka samaki kwenye soko la Mpulungu nchini Zambia’’alisema msongela.

Afisa  mifugo  na uvuvi  wilayani  humo Wilbroad Kansapa alisema Licha ya kuzinduliwa soko hilo, bado  baadhi ya wavuvi wanadaiwa  kutumia njia za panya kununua samaki kwa wavuvi ndani ya Ziwa Tanganyika na sasa doria inahitajika ili kuhakikisha kuwa samaki zote zinaletwa .