Zaidi Ya 138 Za Bomoka Na Watu 139 Wakosa Makazi.

Posted on: May 1st, 2020

ZAIDI ya nyumba138 zimebomoka na watu139 kukosa makazi katika kijiji cha Kipwa kilichopo katika kata ya Kasanga wilaya ya Kalambo mkoani Rukwa baada ya maji ya ziwa Tanganyika kuzingira makazi yao huku wahanga wa tukio hilo wakihifadhiwa kwa ndugu jamaa na majirani kutokana na nyumba zao kubomoka na nyingine kujaa maji.

Kijiji cha kipwa kinapatikana mpakani mwa nchi ya Tanzania na Zambia na kinajumla ya kaya 321, licha  ya hilo kijiji hicho kilianza kuzingirwa na maji tangu february 2020 huku zaidi ya nyumba 138 zikibomoka mpaka kufikia hivi sasa. 

 Wakazi wa kijiji hicho wakiongozwa na Joseph Simtowe, wamebainisha kuwa hali ya maji kujaa katika maeneo hayo ilianza tangu  februal 2020, ambapo maji  yalianza kusogea taratibu na kujikuta kwenye  wakati  mgumu baada ya  kusogea  hadi kijijini  na kuzingira makazi yao na baadhi yao kukosa mahali kwa kujihifadhi.

Walisema serikali hainabudi  kuwasaidia  vitu mbalimbali  ikiwemo chakula, pamoja na matenti kwa lengo la kuwasaidia pindi watakapo hamia katika maeneo ya milima  Mawesande ambako wanatarajia kuhamia hivi karibuni.

Hali  hiyo imepelekea kamati ya ulinzi na usalama ya wilaya  hiyo ikiongozwa na mkuu wa wilaya  hiyo Julieth Binyura , “tumeona  madhara ni makubwa sana na tumechukua tathimini kwa kila nyumba ili siku tutakapo rudi tena tujue tunawasaidiaje”  alisema Binyura.

Katibu  tawala  wilayani  humo  Frank Schalwe, alisema  nyumba 139 zimeanguka  na nyumaba 41 ziko  hatarini  kuanguka  na kusema serikali itaendelea kuwa karibu  ili kuweza kuwasaidia.

Afisa ardhi  wilayani humo Nikoraus Ntajiri, alisema uongozi  wa  Halmashauri  hiyo  tayari umetenga  maeneo  mapya  ya  makazi katika milima wa  Mawe sande  na elimu imetolewa kwa wananchi juu ya kujenga kwa mipango miji.

Taarifa  kutoka kijijini  hapo zinaeleza kuwa  tukio hilo ni la pili  kujitokeza ambapo mwaka 2003 kijiji hicho kiliwahi kupata janga la moto na hivi sasa  kujitokeza  kwa maji ya ziwa hilo kuzingira makazi yao.