Zaidi Ya Wakazi 35,954 Waanza Kunufaika Na Utalii

Posted on: June 25th, 2020

ZAIDI ya wakazi 35,954 kutoka vijiji kumi na sita (16) vya kata ya Mpombwe na Mkoe wilayani Kalambo mkoani Rukwa wameanza kunufaika na uwepo wa vivutio vya utalii ikiwemo maporomko ya Kalambo fallse kutokana na serikali kupasua barabara mpya yenye urefu wa km16.0 kupitia hifadhi ya mto Kalambo ili kuwawezesha watalii kufika  kwa urahisi ikiwa ni pamoja na wananchi kujiajili

Barabara hiyo yenye urefu wa km 16.0 imegharimu kiasi cha shilingi million 132. 7 na kupitia katika hifadhi asilia ya mto Kalambo kuelekea maporomoko ya Kalambo fallse yaliyopo mpakani kati ya nchi ya Tanzania na Zambia.

Akisoma taarifa ya utekelezaji wa mradi  huo Kaimu Meneja wa wakala wa  huduma  za barabara za vijijini na mjini TARULA mkoani Rukwa, Rashid Katema, amebainisha kuwa  mradi  wa barabara ya Kawala Kapozwa  ulisainiwa 20 may 2020  kati ya meneja  wa kanda wakala wa huduma za  misitu Tanzania  kanda ya  nyanda za juu  kusini  na mkandarasi  M/s F.M.W  Tradingi  company limted.

Alisema mradi huo ulisainiwa kwa gharama ya shilingi million mia moja (100,000,000)  na muda wa utekelezaji ikiwa ni mwezi mmoja.

“baada ya kusainiwa mkataba, mradi  wa ujenzi wa barabara kilometa sita na mita mia sita kwa kiwango cha changarawe katika barabara ya Kawala –Kapozwa  ulianza kutekelezwa kufukia mashimo madogo madogo  yaliyokuwepo barabarani, kuchonga barabara kwa mkato mzito kilometa 6.6 (Heavy grading) kumwaga changarawe kilometa 4 pamoja na ulazaji wa makalavati.

Alisema mpaka sasa hajaomba fedha  na amefanikiwa  kufanya kazi kwa asilimia 90 na kusema kwa sasa wanakabiliwa na changamoto ya ufinyu wa bajeti ili kuikarabati barabra hiyo kila mwaka.

 Meneja wa  huduma za uhifadhi wa misitu Tanzania wilayani  Kalambo Joseph Chezue, amesema  msitu wa hifadhi  ya Kalambo unaukubwa wa hekta 43,334 na  mpaka  wenye urefu wa kilometa 197 .71 na kusema msitu huo umerasimishwa kuwa mazingira asilia  tangu februal 2019 kwa  kuunganishwa misitu miwili  yaani msitu  wa hifadhi  ya mto Kalambo na msitu wa Maporomoko ya Kalambo kuwa msitu wa hifadhi ya mazingira asilia.

Akikagua barabra hiyo mkuu wa  mkoa  huo Joachim Wangabo, amesema  barabara  hiyo inapaswa kukarabatiwa kila wakati ili iweze kupitika katika misimu yote  kutokana na kuwa muhimu  kwa utalii.