Kitengo cha ukaguzi wa ndani kinafanya kazi kwa mujibu wa ibara ya 13 (1-2) na Ibara 14(1-10) ya Memoranda ya fedha ya Serikali za Mitaa (Local Financial memorandum),na mwongozo wa Ukaguzi wa Ndani wa Serikali za Mitaa (Local Government Internal Audit Manual) ya Mwaka 2005 (Marekebisho ya 2013).
SHUGHULI ZA UKAGUZI WA NDANI
Malengo makubwa ya kufanya ukaguzi wa ndani ni kuwezesha kitengo cha ukaguzi
kutoa ripoti kwa Mkurugenzi Mtendaji (W),kubaini na kuzuia kutoendana na taratibu hasa kwa:
i.Kujiridhisha kama mahesabu yalifanyika kwa kufuata Sheria, Kanuni za fedha za umma na yaliingizwa vizuri katika vitabu vya fedha ili kurahisisha uandaaji wa taarifa za mwisho za mwaka wa fedha unaoishia 2015/2016.
ii.Kubaini kama mapato yanayotakiwa kukusanywa yanakusanywa na yame benkiwa na yametumika kwa kazi ambazo zilitengwa katika bajeti kwa kufuata kanuni za kifedha zilizowekwa.
iii.Kuangalia kama viambatisho halali vya malipo, kumbukumbu na akaunti zote za Halmashauri zimetunzwa vizuri.
iv.Kuhakiki kama huduma na bidhaa zilizonunuliwa zilifanyika kwa kufuata kanuni na taratibu zilizowekwa.
v.Kuhakiki fedha zilizopelekwa kwenye miradi kama zimefika na ziliingizwa kwenye daftari la fedha na kutumika kama ilivyokusudiwa.
vi.Kuhakiki vifaa vya ujenzi vilivyonunuliwa na kupelekwa eneo la ujenzi kama vilifika na viliingizwa kwenye daftari la vifaa.
