Dc Kalambo Ataka Ujenzi Wa Barabara Ya Matai – Kisungamile Kuharakishwa

Posted on: November 8th, 2023

Mkuu wa wilaya ya Kalambo mkoani Rukwa Lazaro Komba amemwagiza meneja wa TARURA wilayani humo Mhandisi Daudi Kaigi kumhamasisha mkandalasi anayetelekeza mradi wa barabara ya kipande cha Lami inayounganisha mji mdogo wa Matai na Hospitali ya wilaya ili aweze kukamilisha kwa haraka na kuwawezesha wananchi kuendelea kunufaika na mradi huo kutokana na ujenzi wake kuchukua muda mrefu.

Ameyasema hayo baada ya kutembelea mradi huo na kusema serikali ilitoa fedha millioni mia nane kwa ajili ya ujenzi huo ambao ujenzi wake ulipaswa kukamilika tarehe 21/4/2023 na kwamba mpaka sasa mradi huo umefikia asilimia 30 licha ya mkandarasi kuongezewa muda kwa awamu tatu bila mafanikio na kumtaka meneja wa TARURA kumhimiza mkandarasi ili kuwezesha ujenzi huo kukamilika kabla ya mvua za masika kuanza.