Wilaya kupitia sekta ya Maendeleo ya Jamii imefanikiwa kusajili vikundi vya kijamii 217. Kati ya vikundi hivyo, vikundi 11 vya wanawake na vijana vimeweza kupatiwa mkopo wenye jumla ya shilingi 17,144,000/= kupitia mfuko wa WDF na kikundi kimoja cha vijana kati ya hivyo kimepatiwa mkopo kutoka Wizara ya Vijana, Utamaduni na Michezo. Kati ya Vikundi hivyo 11, vikundi vine (4) vimerejesha mkopo wote mapema na vilivyobaki saba (7) bado havijarejesha mkopo wao wa kiasi cha Tshs.10,326,000/=.
Wilaya ya Kalambo kupitia Mfuko wa TASAF awamu ya tatu katika kipindi cha Julai 2015 hadi Juni 2016 imepokea Jumla ya shilingi 1,198,188,000/=, ambapo matumizi yake ni kiasi cha shilingi 1,197,079,757.28 kupitia Mpango wa kunusuru kaya masikini. Kaya zipatazo 4,674 zimeweza kufikiwa kupitia mpango huu katika vijiji 66 vilivyopo kwenye mpango.
Wilaya ina wateja 1195 wa tiba na matunzo, na walio katika dawa za kupunguza makali ya VVU/UKIMWI ni 1098, na watoto chini ya miaka 5 walioko katika dawa ni 57.
Huduma zitolewazo na Sekta ya Ukimwi
Kusimamia, kufuatilia, kuratibu na kutathmini utekelezaji wa shughuli Afua za UKIMWI katika Halmashauri
Kutekeleza afua/shughuli mbalimbali za UKIMWI
Kuhakiki uundwaji wa kamati za kudhibiti UKIMWI za kata na vijiji
Kuboresha takwimu mbalimbali na kuzisambaza kwa wadau mbalimbali watekelezaji wa shughuli (Afua ) za UKIMWI
Kuwezesha vijiji, asasi za kiraia na wadau wengine katika kuandaa na kutekeleza mipango shirikishi jamii ya udhibiti UKIMWI
Kutoa ushauri kwa watekelezaji na afua za VVU naUKIMWI
Kusambaza vipeperushi, majarida na vitabu mbalimbali vya masuala ya elimu ya UKIMWI.
Kufanikisha mikutano ya CMAC, Kamati za Kata za kudhibiti UKIMWI
Kusambaza misaada kwa makundi maalumu yakiwemo makundi ya watoto yatima na waishio katika mazingira magumu, kaya duni, Watu waishio na VVU/UKIMWI(PLHAs), Wajane, wagane, Kaya zinazoongozwa na yatima, watu wenye ulemavu.
Mafanikio dhidi ya maambukizi mapya ya VVU/UKIMWI
Mambukizi ya VVU/UKIMWI yamepungua kutoka 2.8% 2013 hadi 2.3% 2016
Vituo vya upimaji wa hiari wa VVU/UKIMWI vimeongezeka kutoka 13 hadi 47
Vituo vya PMCTC vimeongezeka kutoka 22 hadi 32
Wilaya imepata mashine ya kupima CD4 kutoka katika shirika la WRP
