Wilaya ya Kalambo katika Sekta ya Ujenzi ina jumla ya watumishi kumi na wawili (12) ambao kati ya hao, Wahandisi ni watano (5), Fundi sanifu watano (5) pamoja na Madereva wawili (2). Wilaya inahudumia mtandao wa barabara wenye urefu wa Km. 846.6 ambapo kati ya hizo Km. 188.1 ni za kiwango cha changarawe na Km. 652.5 ni za udongo.
Katika mwaka wa fedha 2015/2016, Wilaya imeidhinishiwa kiasi cha Tshs. 643,530,000.00
Mpaka sasa Wilaya katika Sekta ya Ujenzi inaendelea kutekeleza miradi ya mwaka wa Fedha 2014/2015 ambapo miradi tisa (9) imekamilika na miradi mitatu (3) inaendelea.
Miradi mitatu ya barabara kwa mwaka wa fedha 2015/2016 kazi zimeanza kutekelezwa Julai 2016 na miradi mingine mitatu ya barabara kwa mwaka 2015/16 ipo katika hatua ya manunuzi.
Hadi kufikia tarehe 30 Juni, 2016 Wilaya imepokea kiasi cha Tsh 927,864,464.84 ambapo kati ya hizo shilingi 888,765,390.80 ni kwa ajili ya miradi ya mwaka wa Fedha 2014/2015 na shilingi 39,099,074.04 ni mapokezi ya fedha za miradi ya mwaka wa Fedha 2015/2016.
