Afya na Maendeleo ya Jamii

Huduma za afya

Wilaya ya Kalambo ina jumla ya vituo vya kutolea huduma za Afya 59, kati ya hivyo, vituo vya afya 4 na zahanati 55. Zahanati 5 kati ya 55 zinaendeshwa na mashirika ya dini (FBOs).

Magonjwa kumi (10) yanayoathiri zaidi wananchi

Katika Wilaya ya Kalambo magonjwa kumi (10) yanayoathiri zaidi wananchi ni malaria, magonjwa yanayoathiri mfumo wa upumuaji, kuhara, vichomi, magonjwa ya yanayoathiri mfumo wa mkojo (U.T.I), minyoo ya tumbo, pumu, magonjwa ya ngozi, magonjwa ya macho na magonjwa yanayohitaji upasuaji mdogo kama majipu.

Aidha wagonjwa wa nje kwa mwaka wa fedha 2015/2016 wamepungua kwa asilimia 14.5 ukilinganisha na mwaka 2014/2015 pia wagonjwa wa ndani wamepungua kwa asilimia 30.4

Jedwali Na. 16: Idadi wagojwa wa nje na ndani

Chanzo: Ofisi ya Mganga Mkuu wa Wilaya, Julai, 2016.

Huduma za chanjo ya mama na mtoto

Wilaya ya Kalambo inaendelea na zoezi la utoaji chanjo ya mama na mtoto na kutoa elimu kwa Jamii juu ya chanjo hizo kupitia Sekta ya Afya. Kwa kipindi cha Januari mpaka Disemba, 2015 wastani wa watoto 11,000 walipatiwa chanjo (sawa na Asilimia 99.4) kati ya watoto 11,069, pia kati ya akina mama 11,069 waliopatiwa chanjo ya pepopunda (T.T 2+) ni 8,264 (sawa na asilimia 74.6).

Halikadhalika kwa kipindi cha Januari mpaka Mei, 2016 wastani wa watoto 5,349 walipatiwa chanjo (sawa na Asilimia 52.0) kati ya watoto 10,348, pia kati ya akina mama 10,348 waliopatiwa chanjo (T.T 2+) ni 2,680 (sawa na asilimia 25.9).

Jedwali Na. 17: Chanjo zitolewazo na idadi ya walengwa

Chanzo: Ofisi ya Mganga Mkuu wa Wilaya, Julai 2016

Mafanikio katika utoaji wa huduma za afya.

Wilaya ya Kalambo kupitia Sekta ya Afya Katika kipindi cha mwaka 2015 hadi 2016 katika jitihada za kuboresha utoaji na upatikanaji wa huduma za Afya imefanikiwa katika maeneo yafuatayo:-

Halmashauri kwa kushirikiana na wadau imefanikiwa kujenga vyumba vitatu vya upasuaji katika vituo vya Afya Matai, Mwimbi na Ngorotwa.

• Tumefanikiwa kupunguza utapiamlo uliokithiri (ukondefu) kutoka asilimia 4 kwa mwaka 2014/2015 hadi kufikia asilimia 2 kwa 2015/2016. Aidha tumefanikiwa kupunguza watoto wenye uzito pungufu kutoka asilimia 3 kwa mwaka 2014/2015 hadi asilimia 2 kwa mwaka 2015/2016.
• Tumefanikiwa kuwapatia wazee 1,250 wenye umri wa miaka zaidi ya 60 vitambulisho ili waweze kupata huduma za afya bure kama sera ya Serikali inavyosema, sawa na asilimia 21 ya wazee 5,885 waliotambuliwa.
• Madirisha maalumu yameanzishwa katika vituo vya afya kwa ajili ya wateja wa CHF na NHIF pamoja na wazee kwa vituo 3 vya afya ili kuhamasisha uchangiaji wa mfuko wa Bima ya afya ya jamii (CHF). Hata hivyo juhudi za kufungua madirisha ya wazee katika vituo vilivyobakia, zinaendelea ili kukamilisha zeozi hilo.
• Tumefanikiwa kuongeza idadi ya akina mama wajawazito wanaojifungulia katika vituo vya afya na zahanati kutoka asilimia 62 ya mwaka 2013/14 hadi kufikia asilimia 93 mwaka 2015/16.
• Tumeongeza idadi ya wateja wapya wa uzazi wa mpango kutoka asilimia 46 mwaka 2014/15 hadi asilimia 48.5 mwaka 2015/16.
• Tumefanikiwa kupunguza maambuzi ya virusi vya ukimwi kutoka asilimia 2.6 mwaka 2014/15 hadi asilimia 1.5 mwaka 2015/16.
• Kiwango cha malaria kimepungua kwa asilimia 4.8% kutoka asilimia 30 mwaka 2014/15 hadi kufikia asilimia 25.2 mwaka 2015/16.
• Tumeimarisha ufuatiliaji wa magonjwa ya milipuko na yale yanayozuilika kwa chanjo pamoja na kuimarisha uratibu wa ufuatiliaji wa magonjwa mipakani kati ya Tanzania na Zambia.
• Usimamizi elekezi ulifanyika katika vituo vyote 59 kwa kila robo mwaka.
• Kununua na kusambaza dawa, vifaa tiba na vitendanishi katika vituo 59.
• Huduma za upasuaji zilitolewa kwa mama wajawazito 151, ambapo kituo cha afya Mwimbi akina mama 21 na kituo cha afya Matai akina mama 130 wamefanyiwa upasuaji.
• Tumepandisha idadi ya wanachama wa CHF kutoka asilimia 5 mwaka 2014/15 hadi asilimia 15 mwaka 2015/16.
• Tumeboresha huduma za maabara katika kituo cha afya Matai kwa kufunga vifaa vya kisasa vya uchunguzi wa magonjwa mbalimbali.
• Tumeanzisha huduma za uchunguzi wa kansa ya shingo ya kizazi kwa wanawake katika kituo cha afya Matai

Takwinu: Ofisi ya Mganga Mkuu Wilaya Julai 2016