TAARIFA ZA HIVI PUNDE .Dc Binyura Aviagiza Vyombo Vya Ulinzi Na Usalama Kuchunguza Makosa Ya Ukatili Wa Kijinsia.

Posted on: August 6th, 2019

mkuu wa wilaya kalambo mkoani rukwa, Julieth Binyura ameviagiza vyombo vya ulinzi na usalama wilayani humo kuchunguza kwa umakini tuhuma za makosa ya ukatili wa kijinsia na mila potofu ili kuharakisha utekelezaji wa miradi ya maendeleo ya jamii.

Binyura alitoaa agizo hilo wakati wa utambulisho wa mradi wa kupinga mila potofu na ukatili wa kijinsia-sucoda- wilayani kalambo ambapo alisema vitendo hivyo vinakwamisha juhudi za wananchi kushirikiki kikamilifu katika shughuli za maendeleo

Alisema makosa ya ukatili wa kijinsia yanachangia kwa kiasi kikubwa kuleta janga la watoto wa mitaani na ongezeko la makosa ya jinai pia mambukizi ya ukimwi kwa sababu ya baadhi ya wahanga kubainika  kuambukizwa magonjwa  hayo.

‘’mfano kwa mwaka  2019 jumla  ya kesi 19 kwa kipindi  cha mwezi janual hadi julay 2019 mchanganuo wake kama  ifuatavyo  kubaka kesi 3,mimba kwa  wanagunzi  kesi 3,shambulio la kudhuru mwili kesi 7,kujeruhi kesi 3,na kutelekeza familia kesi 2.’’alisema binyuara.

Aidha alilitaka jeshi  la polisi  kupitia  dawati  la kijinsia kushirikiana na taasisi hizo katika   kukabiliana na majanga ya ukatili wa kijinsia kwa kutoa  elimu sitahiki kwa jamii kwa  lengo  la kuifanya  jamii yote kupata elimu na uelewa wa pamoja juu ya vitendo hivyo.

Mkurugenzi wa asasi inayojihusisha na utatuzi wa vikwazo vya maendeleo ya jamii-sucoda- ya mjini sumbawanga mkoani rukwa,samwel mwazyunga alisema mradi huo utaendeshwa katika kata nne za wilaya ya kalambo ili ili kukabiliana na changamoto za mila potofu.

‘’dhamira ya asasi yetu ni  kuleta maendeleo endelevu katika jamii kwa njia ya ushirikishwaji wa wanajamii ili kuongeza uelewa katika maswala ya  afya na mapambano ya dhidi ya ukatili wa kijinsia ,kukuza na haki za wanawake na watoto ,elimu ya lishe bora dhidi ya ukatili wa kinsia ,kukuza haki za wanawake na watoto ,elimu ya lishe bora utunzaji wa mazingira ,kilimo na ufugaji bora wa kisasa wa nyuki na mifugo mingine.’’alisema mwazyunga.

Mkurugezi mtendaji wa halmashauri hiyo msongera palela  alisema mradi huo utasaidia  kwa kutokomeza  matukio  ya  ukatili  wa  kijinsia hususani katika maeneo ya vijiji na kuwataka viongozi wa miradi hiyo kushirikina na viongozi wa serikali za vijiji katika  kuwapatia  elimu  kwa lengo la  kuwafanya  kuwa  mabarozi kwenye  maeneo  yao  husika.