Rc Rukwa Ataka Vikundi Vya Kijamii vya Utoaji Huduma Za Kifedha Kusajiliwa.

Posted on: June 11th, 2024

Mkuu wa mkoa wa Rukwa Makongoro Nyerere amewagiza wasimamizi wa fedha mkoani humo kuahakikisha vikundi vya kijamii vya utoaji huduma za kifedha vinasajiliwa na kutoa huduma kwa kuzingatia miongozo ya serikali.

Ameyasema hayo ofisini kwake  wakati akizungumza na wasimamizi wa huduma za kifedha kutoka wizara ya fedha na kuitaka jamii kuwa sehemu ya kuwaibua watu wanao endesha huduma za kifedha bila kuzingatia miongozo ya serikali , ikiwemo kuzisajili taasisi husika na kusisitiza wakuu wa wilaya kushirikina na watendaji wa vijiji na kata ili kuwabaini watu hao kisha kuwachukuliwa hatua kali za kisheria.

Aidha, amewataka Watoa huduma za kifedha mkoani humo kuzingatia utolewaji elimu kwa wananchi wanao chukua mikopo ikiwemo kutoa mikataba inayoeleweka na kukubalika kisheria ili kuepusha kujitokeza malalamiko kutoka kwa wakopaji.