Viongozi Wa Dini Na Wananchi Mkoani Rukwa Waanza Maombi Ya Siku 3 Kumshukuru Mungu Kwa Kuwaepusha Na Janga La Corona

Posted on: May 23rd, 2020

Wananchi mkoani Rukwa wameanza siku tatu za maombi ya kumshukuru Mungu baada ya Rais wa jamhuri ya muhangano wa Tanzania John Pombe Magufuli kusema maambukizi ya Covid-19 nchini yamepungua.

Hii inafuatia ushauri wa Rais Magufuli alioutoa alipokuwa wilayani Chato mwishoni mwa juma aliwataka wananchi  kutumia siku tatu hizi, kuanzia Ijumaa mpaka Jumapili wiki hii kumshukuru Mungu kwa kuitikia maombi ya kuliepusha taifa na janga la Covid-19.

''Ndugu zangu Watanzania, kutokana na ugonjwa wa Corona, nawaomba tutumie siku 3 za kuanzia  Ijumaa, Jumamosi na Jumapili KUMUOMBA MWENYEZI MUNGU aliye muweza wa yote atuepushe na janga la ugonjwa huu. Tusali kwa kila mmoja kwa imani yake, atatusikia'', alisema Rais Magufuli.

Katika kuunga jitihada hizo viongozi wa dini pamoja na wananchi mkoani  Rukwa  wameanza ibada  ya  kumshukuru  Mungu  ili kuwaepusha  na janga  la  corona  huku  viongozi  wa  dini  wakitoa  tahadhari kwa wananchi kuendelea kuwa makini kwa  kuzingatia kanuni zinazotolewa na wahudumu wa afya  katika  kuepukana na ugonjwa  huo .

Ambele mwaipopo ambae ni askofu wa KKT Dayosisi  ya ziwa Tanganyika, amesema wamekusanyika kumshukuru  Mungu kwa kuwanurusu  na ugonjwa hatari wa covid 19 ambao umeathiri mataifa mengi duniani.

Amesema  wanaimani Mungu anawasikia  hivyo kila mtu anawajibu wa kutojisahau na badala yake kuchukua hatua dhidi ya ugonjwa huo ambao umekuwa tishio.