Wananchi Wazuia Msafara Wa Naibu Waziri

Posted on: June 21st, 2019

Baraka  lusajo.Kalambo –Rukwa.

June 21,2019

• Wananchi katika kijiji cha kafukoka kata ya Kisumba wilaya ya kalambo  mkoani  Rukwa wamelazimika  kusimamisha  msafara wa naibu waziri wanchi ofis ya RaisTamisem Josephat Kandege nyakati za usiku baada ya tembo kuvamia kijiji hicho kisha kusababisha  kifo cha mtu mmoja.
• Kijiji cha  kafukoka  kinapatikana   katikati  ya  msitu wa hifadhi  ya  kalambo asilia  lakini  licha  ya   hilo  kijiji   hicho  kimekuwa  kikikabiliwa  na changamoto  ya  tembo  kuvamia  makazi   ya  wananchi  kila  wakati  ikiwemo  kuharibu    mazao   na  hivyo  kupelekea kujitokeza  kwa malalamiko   kutoka  kwa   wakazi  wa  maeneo   hayo na  huku  wakiomba  serikali  kutafuta  njia  mbadara  ya  kuzuia   tembo  hao.
•  Awali  wakiongea  kwamasikitiko   makubwa  wananchi kijijini  hapo   mara  baada  ya  kuzuia   msafara huo nyakati za usiku ,walisema walilazimika kuzuia  msafara  huo  baada   ya  tembo  kusababisha   kifo cha victor  Tanganyika  mwenye umri  wa  miaka 69 mkazi wa  kijiji  hicho.
• Joel Lusambo  mkazi  wa  kijiji  hicho , alisema  tatizo  hilo  ni la  muda  mrefu  kwani  tembo hao  wamekuwa  wakivamia  makazi  yao kila wakati  na  hivyo  kusabisha  hofu  na mashaka  kwenye  maisha  yao.
• Alisema wakati  mwingine  wamekuwa  wakishindwa  kwenda  hata shamba  kwa  kuhofia  kuuwawa  na  wanyama  hao  kutokana na  kijiji  chao  kuzungukwa  na  msitu  wa  kalambo  asilia.
• Janual   Mashaka  mkazi  wa  kijiji  hicho  alisema   mzee  huyo  alikuwa   katika  shughuli  za shamba  , ambapo  bila  kujua  hili   wa lile  alijikuta  akivamiwa  na  tembo  huyo    na kupelekea  umauti  kumfika.
• Alisema  kutoka  na  hali  hiyo  ilipelekea  waanaanchi   kukaa  kikao  cha  dharulaa  na   kukubaliana   kuzuia  msafara  wa  naibu  waziri lengo  likiwa ni  kutaka  kujua  msimo   wa  serikali  juu  ya  tembo  hao.
• Kwa upande wake   Naibu  waziri   wa  tamisemi  Josephat   Kandege, alisema serikali  iko  pamoja  na  wananchi   na  kuwasihi   kuendelea  kuimani  serikali kwani  inaendelea  kutafuta  ufumbuzi  zaidi   juu  ya  swala  hilo.
• Hata  hiyo  siku  za  hivi  karibuni  serikali  kupitia  wakala  wa  hifadhi  za  msitu  wilayani  humo  ilitoa  mizinga  100 kwa  wananchi  wa  kata  ya  kisumba  na  kusisitiza  wananchi  kuitumia  mizinga  hiyo  kama  njia  mbada   ya  kupambana na  tembo  kuvamia  makazi  yao.