Watumishi Wa Umma Watakiwa Kuhamasisha Wananchi Kujitokeza Kupiga Kura.

Posted on: October 28th, 2019

Zikiwa zimesalia siku chache kuelekekea uchaguzi wa serikali za mitaa hapa nchini ,watendaji wa serikali za vijiji na kata zinazopakana na nchi jilani ya Zambia wilayani Kalambo mkoani Rukwa wametakiwa kuwa makini na kuhakikisha wahamiaji wote wanaoingia nchini kinyemela na kuanzisha makazi hawashiriki zoezi hilo.

Kumekwepo na changamoto ya baadhi ya raia kutoka nchi jirani ya Zambia kuingia nchini kinyemela na kuchukua  kadi za kupigia kura na kuzitumia katika mambo mbalimbali ikiwemo  kupiga kura na kujitambulisha kuwa ni watanzania.

Kwa kulitambua hilo katibu tawala wilayani Kalambo Frank Schalwe amekaa kikao na watumishi wa umma kilichoketi  katika tarafa ya Mambwenkoswe wilayani humo,amesema zaidi ya wananchi elfu themanini na tisa wamejitindikisha kwenye daftari la wapiga kura hivyo wanapaswa kuhamasishwa ili waweze kuwachagua viongozi wanaowataka.

‘’kazi yetu sisi watumishi ni kuhamasisha watu wote kujitokeza kupiga kura, tunataka tuone watu wote waliojiandikisha kwenye daftari la kudumu la wapiga kura wanapiga  kura‘’alisema sichalwe.

Kwa upande wake afisa tarafa ya Mambwenkoswe ,Mpapalika Mfaume amewataka watumishi wote kuwa makini na watu wote wanaoishi mpakani kwani waliowengi ni raia wa Zambia.

‘tunahitaji kuona watu wanachagua viongozi wanaowataka na ambao watakuwa msaada kwao na taifa kwa ujumla’’alisema mfaume.