Halmashauri Ya Kalambo Yapokea Msaada Wa Vifaa Vya Kutunzia Takwimu.

Posted on: February 17th, 2020

Mkoa wa Rukwa umepokea msaada wa vifaa vya kutunzia takwimu za huduma za mama na matoto vyenye thamani ya shilingi million kumi na tano na kufadhiliwa na mradi wa uzazi salama na kusambazwa katika vituo vya afya na hosptari za wilaya lengo likiwa ni kuondokana na adha ya  kupotea  kwa takwimu hizo.

Akikabidhi vifaa hivyo kwa waganga wakuu wa wilaya na mkoa  ,mkurugenzi wa uzazi salama mkoani Rukwa Esteria Kisoka, amesema lengo ni kuhakikisha takwimu hazipotei.

Alisema vifaa hivyo vitagawanywa katika wilaya zote za mkoa huo  kupitia kwenye hosptari za wilaya pamoja na vituo vya afya na kusema lengo ni kuhakikisha upotevu wa takwimu unakwisha.

‘’ni imani yetu kuwa vifaa hivi vitaenda kwenye maeneo husika na  kufanya  kazi ile  iliokusudiwa.alisema Kisoka

Kaimu mganga mkuu mkoani humo Dr.Emanuel Mtika, aliupongeza  uongozi kutoka mradi wa  uzazi salama kwa kutoa msaada huo na kuwa msaada huo utawasaidia kwa kiasi kikubwa ikiwemo kuondokana na adha ya upotevu wa  takwimu.

‘’takwimu ndio  kila  kitu kwani bila  tawikwimu  hususani katika miaka ya hivi sasa huwezi kufanya kitu bila takwimu , niwapongeze wenzetu wa  uzazi salama  kwa kutoa vifaa hivi ‘’alisema Mtika.

Vifaa hivyo vimegawanywa katika Halmashauri za Kalambo, Nkasi , manispaa  ya Sumbawanga  pamoja  na Halmashauri ya Sumbawanga na huku  lengo  kubwa ikiwa  ni kusaidia  kuondokana na adha ya  upotevu  wa takwimu haswa za mama na mtoto.