Mtoto Wa Mika 3 Afariki Dunia Baada Ya Kumbukia Kisimani.

Posted on: October 23rd, 2019

• Wananchi katika kata za lyowa na Matai wilayani kalambo Mkoani Rukwa wameiomba serikali kuingilia kati swala la uchimbaji holela wa visima vya maji ambavyo vimekuwa vikichimbwa bila utaratibu na kusababisha vifo vya watoto wadogo kutokana na kuachwa wazi.

  Malalamiko hayo yamejitokeza baada ya kujitokeza kifo cha mtoto Jift  Msangawale mwenye umri wa mika 3 mkazi wa  kijiji  cha Keleni kata ya Lyowa wilayani Kalambo kufariki dunia baada ya kuzama ndani ya kisima cha maji kilichokuwa  kimechimbwa kwa ajili ya kuendeshea shughuli za umwagiliaji wa  busitani za mboga mboga.

‘’tunaiomba serikali kuingilia  kati  swala la watu ambao wamekuwa wakichimba visima bila kufuata  utaratibu kwani waliowengi wanachimba visima na kuviacha wazi na hivyo kupelekea watoto wetu kuzama’’wamesisitiza wananchi  hao.

Mwenyekiti wa kitongoji cha Keleni Linus leopadi,amesema baada ya kupata  taarifa hizo alitoa taarifa polisi ambao walifika eneo la tukio na kufanya  uchunguzi  kisha  kuwaruhusu kufanya  mazishi.

Afisa tarafa ya Matai Muhamed Shauri amekili wazi kutokea tukio hilo na kuwataka wananchi kuhakikisha visima vyao vinafunikwa mara baada ya  kuchimbwa.

‘’mtoto huyo alifariki dunia baada ya kudumbukia kisimani,ambapo kufutitia tukio hilo kama serikali tulitoa maagizo kwa watendaji wa serikali za vijiji na kata  kuhakikisha visima vyote vinavyochimbwa vinafunikwa ili kuepukana na kujirudia kwa matukio kama hayo’’.alisisitiza muhamed shauri.

Hata hivyo hilo ni tukio la pili  kujitokeza katika  maeneo  hayo ambapo tukio la  kwanza watoto  wawili walifariki dunia baada ya kuzama kwenye kisima kisha  kufariki dunia  katika kata ya Matai.