Naibu Waziri Kandege Atoa Misaada Ya Vifaa Tiba Na Gari la Wagonjwa

Posted on: May 8th, 2020

Naibu waziri ofisi ya Rais tawala za mikoa na serikali za mitaa (TAMISEMI) Josephat Kandege ameuagiza uongozi wa Halmashauri ya Kalambo mkoani Rukwa kuhakikisha fedha pamoja na vifaa tiba vilivyotolewa na serikali na kugawiwa  kwenye vituo vya afya,vinatumika kwa melengo yaliyokusudiwa.

Ameyasema hayo wakati akitoa  misaada ya vitanda  pamoja na kukabidhi  gari ya wagonjwa katika kituo cha afya Matai wilayani  Kalambo mkoani  Rukwa, ambapo ameutaka uongozi wa Halmashauri hiyo kuhakikisha vifaa vilivyotolewa na serikali ikiwemo gari vinatumika katika malengo yalikusudiwa.

Amesema serikali haita mfumbia macho mtu au watu ambao  watabainika  kufuja mali za umma kwa  kuingiza maslahi  yao binafsi.

Awali akisoma taarifa fupi mbele ya kiongozi huyo, mganga  mkuu wa Halmashauri hiyo Alen Mlekwa, alisema  Halmashauri  ina jumla ya vituo vya afya 3 na zahanati 64  lakini  inakabiliwa  na  changamoto  mbalimbali  ikiwemo upungufu  wa vyombo vya usafiri  magari, boti ikiwa ni pamoja  na upungufu wa vifaa tiba na watumishi wa idara ya afya.

“umekuwa msaada mkubwa katika halmashauri hii na jimbo lako katika  kuboresha huduma za afya, mwaka 2019 kwa kuunga mkono juhudi za huduma za afya ulitoa vifaa mbalimbali ikiwemo vitanda vya wagonjwa 6, taulo 10 kwa ajili  ya akina mama wajawazito  seti za  kumsaidia mama wakati wa kujifungua na vitambaa roll 5. Vilevile kupitia juhudi zako  umetoa gari jipya la wagonjwa ambalo umetukabidhi hii leo.’’Alisema  Mlekwa.

Kaimu mkurugenzi mtendaji wa Halmashauri hiyo Nicholas Mrango ,alisema huduma zinazo tolewa katika  kituo cha afya Matai ni pamoja  na huduma ya wagonjwa wa nje yaani OPD na katika vituo vyote vya wagojwa hulazwa katika vituo 3 vya afya IPD na kusema kwa upande  wa dharula kwa akina mama wajawazito hutolewa katika ngazi zote za zahanati na vituo vya afya.

Mkuu  wa  wilaya ya Kalambo Julieth Binyura aliwasihi  wahudumu  wa  afya wilayani humo kuendelea kuwahudumia wananchi  kwa moyo wote na huku akiwasisitiza kutoa taarifakunapotokea changamoto  ya  kiutendaji.